請選擇 進入手機版 | 繼續訪問電腦版
 找回密碼
 立即註冊

(中字)為何我講香港電影工業已死?與香港年輕電影人的探討(上)〈蕭若元:理論蕭析〉 2021-02-22

(中字)香港電影不可能回到黃金時代?究竟根本上欠缺的是什麼?(下)〈蕭若元:理論蕭析〉 2021-02-23
=========================================


《港產片盛世不再》(一)
全城反智﹕蕭氏的「香港電影工業盛世不能回頭」論是對的
---群情洶湧插老簫


網上出現一股駁斥蕭氏的「香港電影工業死咗未」的風潮。由於我是業界唯一一個寫過有關香港電影工業的書的人(《90年代港產片工業狀態一瞥--困境的探討及出路》),朋友叫我講兩句。先前予欲無言,覺得嘥氣。


「拍電影不會賺錢」(over all來說),在行內來說,基本上是一種共識,外行人唔知啫。蕭氏曾是業者,何必跟外行人嘥口水---修仔識拍下戲是另一回事---不過連肥趙博都來擺顯,今天又有渾水者仲話用15萬支持修仔開戲添,笑到人碌地(15萬可以開戲?)


係咁意數下,就看到有犁頭車佬大fat、著草佬通尼菜、肥趙博、肥啤馬和渾水(who?)義正詞嚴地齊插老蕭,有點群情洶湧了。我的感想是﹕全城反智!蕭氏的「香港電影工業盛世不能回頭」論是對的。


(1)

分享至 : QQ空间
收藏
INSAFE System
關閉

14 個回復

倒序瀏覽
舊電影人 管理員 2021-3-4 00:00:00
沙發
INSAFE System
關閉
全城反智﹕蕭氏的「香港電影工業盛世不能回頭」論是對的
---我的經驗


這裏以過來人以及對這個問題有點研究的身份來說一說﹕

「拍電影不會賺錢」(over all來說)在行內來說,是一種共識。鄙人在此行業廝混過20多年,見過無數老細仆街。90年代中轉行,就係見到此行業無作為(包括自己),幾年後得藝發局資助寫出《90年代港產片工業狀態一瞥--困境的探討及出路》一書(注),內容雖然主要是針對電影工業產業上的缺陷,但根子裡還是由於商業上的危機前景。

電影是作品、產品,也是商品,但關鍵的是商品這一辮。inshort,就是市場。蕭氏駁斥修仔,沒有pin point市場這一點,是不夠精確。是咁的,人才累積以及資金/資源不是主要問題,有了市場(正所謂有景),人才以及資金/資源就會迅速集結。

(2)

注﹕當年個人經濟情況不好,撰寫該書純為賺取資助費。該書用最低成本印刷,共四百本,只委托一兩間書店販賣,剩下三百多本堆在家中打餅。
回復 使用道具 舉報
舊電影人 管理員 2021-3-4 00:00:00
板凳
INSAFE System
關閉
全城反智﹕蕭氏的「香港電影工業盛世不能回頭」論是對的
---我的經驗


90年代初期,港產片票房收過11億一年。肥趙博係條短片中講,2018年港產片票房收5千萬元,你仲話有得做?係咪反智?

正如我講網台有得搞,冇得做一樣。人們搞不清楚搞和做的意義,搞不清楚「shooting界」和「電影業」的區別。「界」是搞嘢(唔排除有啲人賺到錢---譬如自媒體---但不是一種工業),「業」是講求盈利的,起碼要養起得業者。養不活,業者就會散水(人才流失),資金就枯竭,作品就會低落。惡性循環,工業就會崩潰。

(3)
回復 使用道具 舉報
舊電影人 管理員 2021-3-4 00:00:00
地板
INSAFE System
關閉
全城反智﹕蕭氏的「香港電影工業盛世不能回頭」論是對的
---有市斯有財,有財斯有人,有人斯有作品


你唔好同我講好電影,那是作品層次。係,由90年代至2010年前後,仲有幾部好電影產生,但近年來連賀歳片都冇乜人敢拍(投資),全年產品甚少,何來會有好作品?有都係溝水(慳水慳力)產品,正規電影似乎慢慢消失。時常聽到有幾十萬元(成本)影片上映,我看也不會去看的,認為這已不是我鍾愛了幾十年的電影。

啲友仔唔識嘢,電影是商品,要倚靠市場才能存在。市場或(市場前景)才能產生作品,唔會無啦啦由作品去製造一個市場出來,有市斯有財,有財斯有人,有人斯有作品,不可因果倒轉。香港電影市場由盛至衰,原因多多,多有所述(主要是海外市場沒落,後來是本地市場沒落),不贅。

(4)
回復 使用道具 舉報
舊電影人 管理員 2021-3-4 00:00:00
5#
INSAFE System
關閉
全城反智﹕蕭氏的「香港電影工業盛世不能回頭」論是對的
---「業餘短片」、YouTube、流量媒體


修仔現在拍的是「業餘短片」Amateur short film(唔好抝頸,其中係有一兩條拍得幾專業),但你不能期望一班後生仔猛拍呢種短片就能支撐出一年收11億元的香港電影市場來(遑論海外市場了)。

啲友仔是外行,又冇常識,與夏蟲語冰。易得道通尼菜猛講YouTube、李子㭍、自媒體、view數高…,真係簫都俾佢吹攣。李子㭍拍的是紀錄片(短片),不是電影。and,流量不等如回報,流量媒體是另一種工業(電影附之盈利是另一個話題)。YouTube偏偏是傳統電影業的大敵,是UGC,它剝削了創作者/生產者的權益(盈利)。互聯網出現之後,扼殺多少戲院業,人們在網上能看到多少免費電影(能達到網上全收費,可能是很久未來的事)。

在創作方面,大陸流量媒體(騰訊、阿里雲)如何扼殺大陸創作事業,比比皆是,請大家去看看大陸的報道。近十年大陸影視票房雖然高漲,但作品質素衰過做女時,部份原因就是流量工具(互聯網)流行之故。博士應該開下腦,睇多啲資料。

(5)
回復 使用道具 舉報
舊電影人 管理員 2021-3-4 00:00:00
6#
INSAFE System
關閉
全城反智﹕蕭氏的「香港電影工業盛世不能回頭」論是對的
---上到Netflix叫渠道,賺到錢才叫市場


肥趙博講的台灣影視上Netflix是另一個問題。我沒有調查過,但請問,台灣電影業從此蓬勃過來了嗎?養得起一個台灣電影業界嗎?答案是否的。傳統電影的播放端以前是影院以及電視,現在擴大到流量媒體(電腦及手機),但流量≠是市場。

唔好以為上到Netflix,就可以賺到大錢。上到Netflix叫渠道,賺到錢才叫市場。香港電影(不止合拍片)夠上到大陸影院(渠道)啦,賺到錢嗎?---唔好淨係睇個幾部大片,很多中小片(包括蕭氏父子影片)上大陸都仆街。

(6)
回復 使用道具 舉報
舊電影人 管理員 2021-3-4 00:00:00
7#
INSAFE System
關閉
全城反智﹕蕭氏的「香港電影工業盛世不能回頭」論是對的
---用木頭可以建造出一部汽車來?


電影是一個人才專業、資金密集的工業。沒有金錢砸下去是不能成事的,現今有後生拍些業餘短片---蕭氏說的是對的,是家家酒(煮飯仔)---就拿來跟90分鐘片長的專業電影來比較,是不成argument的。

本人於九十年代初監制了兩部片,第一部片成本550萬(埋單純利20萬,唔夠老細炒一晚外匯)。老細話貴,第二部片cut至450萬。一分錢一分貨,影片成績一pat屎,仆街,本人也要轉行。

時至2008年,再和後輩埋堆,觀看他的一部得獎片,成本200多萬,只拍了17天(組)。嚇了我一跳,香港電影怎會變成了這麼樣?(九十年代獨立製片標準﹕成本500萬, 35組+OT),這反映了市場(當時連午夜場都消失了)會導致作品&產品的沒落,作品怎會好起來?比方你不能夠說,用木頭可以建造出一部汽車來---縱使是一部精緻的木頭車。

(7)
回復 使用道具 舉報
舊電影人 管理員 2021-3-4 00:00:00
8#
INSAFE System
關閉
全城反智﹕蕭氏的「香港電影工業盛世不能回頭」論是對的
---自媒體不是電影工業


到近年,我聽到肥啤馬話可以用50萬翻拍一部《山狗》,今天渾水話用15萬支持人開戲,都是外行話。靚女袁仲話可以眾籌添,小,九唔搭八,點解唔試吓自己全投資去支持?蕭氏是老行尊,跟外行人坳頸,實在無謂。

修仔甚至唔知電影嘅定義係乜嘢?何不先去查一查,香港電影工業的流程、成本及盈利,市場情況若何?你做自媒體或者可能賺到D錢,但我們講緊的是香港電影工業hong kong film industry,自媒體不是電影工業!

(8)
回復 使用道具 舉報
舊電影人 管理員 2021-3-4 00:00:00
9#
INSAFE System
關閉
全城反智﹕蕭氏的「香港電影工業盛世不能回頭」論是對的
---蕭氏的「見過鬼怕黑」


Btw,難道你不知道這可能是蕭氏的「見過鬼怕黑」的經驗嗎?係影行,係人都知道多數老闆會仆街的,但自己有得撈則成,大家撈到個市散左為止,散咗咪返大陸撈囉。

簫氏係video中講,早知道拍戲冇錢賺咁話,是一貫的不誠實(或笨七)表現。因為他後來在2009年左右自己又做起電影老闆來(據聞最初是想搭雞棚)。《3D肉蒲團》當年收4千萬,威嗱卦?你睇吓該公司當年蝕了多少?也是4千多萬(大概連人網開支),蕭氏父子歷年來拍的電影又蝕了多少?是不是這樣子,蕭氏是別有用心地規勸後生仔呀!但想不到蕭氏以前的徒眾肥朝博及靚女袁女也來駁嘴,真係唔臭米氣!

(9)
回復 使用道具 舉報
舊電影人 管理員 2021-3-4 00:00:00
10#
INSAFE System
關閉
全城反智﹕蕭氏的「香港電影工業盛世不能回頭」論是對的
---鼓勵後生仔奮發扻頭埋牆乎?


至於話蕭氏睇唔起後生仔,打擊後生仔的「奮發」,反智囉。睇吓佢奮發@乜嘢至得架,唔通佢奮發扻頭埋牆,你都要鼓勵佢嗎?試用汽車業比喻電影業,香港曾經有過一個汽車業盛世,但香港本身從來養不起一個汽車業,最後海外市場沒落加上冇乜人睇戲加上外來車湧入,香港汽車業(電影業)終於衰落,是正常的。

現在有啲後生仔做出一堆玩具車來(業餘短片),你話佢兩句(只涉汽車業),就話打擊他的奮發心。Come on、依家係抝緊玩具車不會壯大汽車業(電影),而唔係坳緊奮發呀!啲後生仔唔做功課,唔知汽車業係乜,盲頭烏蠅奮發扻頭埋牆、真係會俾人睇唔起。

之咁,修仔亦冇話要回復香港電影的盛世,基本上佢唔知討論緊D乜,只模糊地講「不是不可能的可能」。網上插嘴者更仆街,可能根本上不知道什麼是電影,什麼是香港電影盛世(and why),不知道玩具車和汽車的區別,連議題係乜都唔知。

(10)
回復 使用道具 舉報
12下一頁
您需要登錄後才可以回帖 登錄 | 立即註冊