請選擇 進入手機版 | 繼續訪問電腦版
 找回密碼
 立即註冊
2013-9-9日劇與韓劇的比較引用:
原帖由 plitmam767 於 2013-9-9 01:47 AM 發表
多謝舊電影人兄上次講英劇及美劇,可不可以講下日韓台劇或大陸劇?你有看嗎?上周四蕭生大力推銷日劇"半澤直樹",以為荀劇,跑去看了,一般啫,舊電影人兄可以評下嗎?


日劇與韓劇的比較

我不看港劇台劇的,七八年前開始看韓劇(CD) ----由《情定大酒店》開始 ----迷上了,但不是迷英美劇那種,於英美劇我直情係fans。我們寫過電視劇本的人,唔會睇港劇的(除非職業需要) ,familiarity breeds contemt,近年跟睇此三海外劇集,係消閒性,好似莊下報紙咁,也是由於上網方便使然。由於知道哂韓日陸等劇D路數,所以觀賞心態和一般追劇情的觀眾不一樣。在極煩厭香港趣味之下,旨在觀賞一下其他國家地區人物風情制度﹔多時用fast foreward方式觀看。

韓劇近年差咗,十部只會揀一部睇落去----用網上視頻好方便。大陸劇則50部左右揀一部咁,通常睇一兩集就放棄。於日劇,早年十分崇仰,even早過美劇(如青少年時看的《青春火花》) ,後來極迷日本電影,中間好似好少睇日本劇集(TVB無播)。到千禧年之後,上網睇日劇,反而覺得唔夠韓劇好睇,但以技術角度論(編、導、演、制、主題性、題材性及篇輻性) ,日劇都遠高於韓劇。比較之下,韓劇低日劇兩三皮,而日劇又低英美劇兩三皮。

(1)

分享至 : QQ空间
收藏
INSAFE System
關閉

1 個回復

倒序瀏覽
admin 管理員 2022-9-8 01:10:42
沙發
INSAFE System
關閉
韓劇點解好睇過日劇?一兩年前終於諗通咗﹕

第一、首先是個人觀賞因素使然。

第二、兩個國家社會有極相似的一面,但劇集係完全不同的兩種劇集。日劇是各式各樣題材行業的「扎實戲劇」(喜劇除外),韓劇則大部份是婆媽劇,「時髦婆媽劇」。

第三、個人喜好,日劇尤如樣子不太難看的老婆,韓劇則尤如情婦,樣子even平平,但是是情婦,OK?前面說過,我們這種觀眾,是不大理會其drama的,倒想浸滛其人物風情制度之中。韓劇靚人靚衫靚景氣魄大(後者指場景)。冇錯,睇韓劇,我揀中男女主角順眼先睇落去。真吹漲,韓劇唔知點解咁多靚女。日劇D女唔係話唔靚,但就係唔及韓女咁順眼。

第四、唔知點解,所有日劇晝面多是陰暗的,場景多是空間狹獈的。題材故事多是社會寫實,但多沉鬱。韓劇則晝面多明亮耀目,場景華麗多寬敞(我知,這是虛假,但我就是喜歡這種虛假)。韓劇仍在抄香港廿卅年前的黃金橋﹕神奇小子(含女性)打出頭+男女愛情+家族斗鬥等,仲多一樣﹕粵語殘片式的家庭倫理背景,十分討好(指對家庭觀眾) 。日劇人物多糾結性,有內心掙扎。如上述,多沉鬱。韓劇人物雖然多婆媽虛假形式化,但多有奮發的一面(日本GETTING OLD了),且用靚仔靚女搭夠(但韓國奶油小生令人頂不順)。

係,日劇的主題性及題材性不俗,且多有寫實性的筆觸,但我不care,而且這方面在刻劃上亦是老生常談(開得好,但DEVELOP不好),不足一哂(如《半澤直樹》) 。韓劇則擺到明係婆媽劇,唔會同你玩寫實。一言而敝之,日劇雖扎實但拘謹沉鬱,韓劇雖膚淺但陽光以及綿花糖化。

第四、點解日劇沉鬱,韓劇開朗?我以為和國運有關,自1990年以來,日本社會沉滯,日劇相信是自由創作及獨立制作,故此劇集反映了社會。韓國則經濟繁榮,社會向上,最攞命係韓國政府主導了影視業的發展,風花雪月為主,人為地大抄特抄香港影視style----而居然成功。日劇有意義,於我冇意思(唔多想睇)。韓劇冇意義,於我有意思(好過睇報紙) 。

(2)
回復 使用道具 舉報
您需要登錄後才可以回帖 登錄 | 立即註冊