請選擇 進入手機版 | 繼續訪問電腦版
 找回密碼
 立即註冊
2011-10-19
再談王老板用六億銀憾低無線個盤數


王老板仍不停發表三年打贏無線的偉論。我都好憎無線,但睇問題應是其事非其非,要講論証。亂吹當偉論/定論,認真無謂。Btw,我現今和影視業全無關係,和城市乜乜亦無嗱Lung。在此純是吹水(但自問不是亂吹)。假如有講錯,望城市老板&Co. 不要介意。

我好唔明白,王老板係個生意人,應該識計數。對電視就算是外行,既然落水投資,亦應該調查過以及問過人---明周話佢有五個顧問。然則王老板近日發言,只否扮傻仔大智若傻,實則後面有大把計仔?旨在擾亂對方?這裡不管,就王老板公開的「偉論」作月旦之。

撇開分析不談,講大路邏輯,六億元六年真係打唔低無線,除非後面原來擁有60億元資金!計劃六億元/六年打唔打得低無線,不是勇氣或智慧的問題,而是認知(無知)的問題,而是簡單算術問題。就算有$都唔得,除非王老板能找出過去卅多年諸先烈失敗的原因及矯正方法。

(1)

分享至 : QQ空间
收藏
INSAFE System
關閉

14 個回復

倒序瀏覽
舊電影人 管理員 2022-9-3 16:21:02
沙發
INSAFE System
關閉
TVB副主席梁乃鵬話以前對手(指RTV,ATV)曾用幾十億百億打無線,是有點誇大。據記憶,每一次都是以億元作單位而已。英國佬同黄鍚照(1975-1980) 個一彈唔知。同期(1977) 佳視林秀峯都係想抓林氏基金個二億銀啫。爾後澳洲幫買RTV股權(1981),好似都係幾千萬貨仔(總值一億)。到邱德根獨霸ATV,聽講話仲慳過六叔,九做。1989年賣俾林氏家族,昅水六億---當年林建岳地產嬴錢,六億根本唔係錢。林伯1998年蝕十幾億離場。之後封小平等大陸幫入搭,因我無心裝載,投資情況不詳。梁乃鵬說的可能指歷年所有老襯(輸咗不能不叫做老襯)加埋的資金有百億元。

In fact,入ATV個氹入場費好低,但一路玩落去會浸死你。聽王老板豪語,佢似乎仲未有「建設費」同「營運費」分開嚟講的概念(或者唔肯講明)。無線樂易玲話TVB一年都使六十幾億,應指「營運費」。無線的資產不是那百億硬體,而是那四十幾年積下來的「茶垢」---唔好抝頸,對比歷史,它是一間渣電視台,前有述---但以戰論戰,新經營者好難在短時間內累積荼垢。

以前RTV/ATV諸位「先烈」仲有一個舊RTV電視台揸係手嚟Run(黄鍚照著名的改西裝論),王老板現今直情係平地起一間電視台(連廠房) 嚟Run。六億元/6年,係人都知道無可能,仲話要守五年,但三年就會嬴無線,係咪痴人說夢?

(2)
回復 使用道具 舉報
舊電影人 管理員 2022-9-3 16:21:25
板凳
INSAFE System
關閉
新電視台節目點強,仲強得過1978得年時佳視倒閉後的RTV節目?當年仿似三國時代,合三國之力成一國敵一新君大國。當時大軍擁集RTV,軍力如下:
(1)舊RTV派的三雄派(新增梁立人的編劇部),加
(2)TVB阿King派(得返一個鄒世孝) ,加
(3)舊佳視降將(人數不多) ,加
(4)從TVB投過去佳視又投過去RTV的六君子派--如林旭華人施南生等,幕後人數不算多,但都係猛友,我只記得有徐克程小冬等人。當時RTV接收TVB-CTV最大的資產是前TVB藝員如鄧碧雲等人。(王老板今天的人才能強過1977年的RTV?)

當時強勢節目如「天蠶變」、「變色龍」及「俠盜風流」等。插播,什麼[大地恩情]打低無線,是個美麗的誤會。「輪流轉」被腰斬不等於無線被打低,這只會益咗無視事實之徒x氏今日亂噏。「輪流轉」被腰斬是1980年9月,但次年1981年,黄鍚照就被炒,英國佬退場,收幾千萬將RTV賣俾誤澳洲幫。試問,有乜理由幾個月前打低無線,幾個月後會執笠(英國投資者)?聽人講,RTV麥氏皇朝盛勢時,已種下禍根---麥氏洗大咗,不成功便成仁(指黄鍚照,當時RTV一班人後來全部扎起哂,包括小弟)。

當時RTV D節目真係好掂(我自己就是其中的一個編劇) ,但唔等於TVB節目唔掂。唔好天真,兩間電視台節目的touth不同,擁躉(即慣常性觀眾)亦不同--這方面我以前分析過(TVB壟斷了口味) ,玆不贅。但生意上(收視) ,TVB一跌過70%,就叫輸。「輪流轉」被腰斬與其說是被打低(甘先生D嘢一向不順嫂化) ,不如說是引起TVB大反擊,迅速去返順嫂路線,迅速佔返優勢,優皮甘國亮派係咁先。

今天王老板閱讀成(據明周):當年TVB用好劇本「千王之王」挽救「輪流轉」,今天他王老板用買下了能寫好劇本人才,就是掌握當年的规律,云云。假如這是真的,真簡單化得令人發笑,真係自作多情。有人不識香港電視史至此,不識香港電視創作的實際情況至此,令人擲筆三嘆。

(3)
回復 使用道具 舉報
舊電影人 管理員 2022-9-3 16:21:42
地板
INSAFE System
關閉
javaer

當年麗的呼聲母公司唔掂,海外業務賣晒

http://en.wikipedia.org/wiki/Rediffusion
http://www.rediffusion.info/
回復 使用道具 舉報
舊電影人 管理員 2022-9-3 16:22:20
5#
INSAFE System
關閉


(轉貼明周)掀電視風暴打破無綫壟斷 王維基誇稱: 未來三年勝負已定!
From 明周第2238期 :

http://www.discuss.com.hk/viewthread.php?tid=15567341
回復 使用道具 舉報
舊電影人 管理員 2022-9-3 16:22:39
6#
INSAFE System
關閉
本帖最後由 舊電影人 於 2013-10-18 19:03 編輯


五香墾丁

新電視台節目點強,仲強得過1978得年時佳視倒閉後的RTV節目?當年仿似三國時代,合三國之力成一國敵一新君大國。當時大軍擁集RTV,軍力如下:
(1)舊RTV派的三雄派(新增梁立人的編劇部),加
(2)TVB阿King派(得返一個 ...
舊電影人 發表於 2011-10-8 01:17


去年本區有位網友, 對樓主提及的那段電視史, 有一個相當獨特的看法, 並把他小說化了, 不知道實情是否這樣 (因為連王晶日後也這樣說).

http://forum.ourradio.hk/viewthr ... 7%E7%89%A7%E5%A0%B4

..... 於是, 在 1980 年, 小牧場 (即 RTV) 下定決心, 要與大牧場 (即 TVB) 爭一日之長短, 於是建築了一條康莊大道, 道上 "並舉" 了一 "千"支 "帆" (註: 是 "帆", 不是 "旗", 農莊主人 (即撈蕉) 日後, 才與 "旗" 扯上關係), 用以引導遊客到他們舞台睇大戲, 當中就包括小子 (即撈蕉) 開墾出來 "大地", 那時候, 小子不再是小子, 已算是小牧場舞台的其中一位 "總管" 了 (註: 大地上, 當然有草, 即 "大草原", 似乎這小子對大草原, 很早己產生濃厚興趣.)

這一千支帆的出現, 可真不得了! 當年真的吸引好多遊客過去小牧場睇大戲, 到這時, 還不發展到o甘大件事, 皆因小牧場受遊客歡迎, 以前也試過, 而且當年大牧場主人, 不是現在那位百歲長者, 而是有百年歷史的老牌家族 (註: 他們真的在現實世界中, 擁有過一間 "舞台"), 處事有風度, 好明白良性競爭, 世事 "輪流轉" 的道理, 小牧場今次勝過他們, 本來他們還會慢慢收復失地, 像上次對付 "街市" 一樣.

但, 就在小牧場這條康莊大道開通4日之後, 突然, 小牧場駛左架飛機上上空, 向各地空降傳單, 上面就有五個大字 "狂風掃落葉"! 更說出已有5成遊客過左去小牧場睇小子塊地! 當然, 若果更形象化處理這一幕, 就等於小牧場勁開多把大風扇, 吹到對面大牧場 d 樹落晒葉.

這一舉動, 究竟對大牧場有什麼影響? 當年其中一位參與這戰役的 "精哥!", 在多年後向某周刊憶述, 原來大牧場班高層, 睇到小牧場張傳單寫 d o甘野, 更用大風扇吹晒 d 樹葉落黎, 據 "精哥!" 的說話: "一向惡慣的大牧場哪受得了如此俾人落面。", 於是, 即使當年大牧場已擁有像皇馬一樣的 "銀河艦隊", 都把心一橫, 將隻旗艦 "輪流丸" (註: 丸, 日文也) 當廢鐵o甘湯左! (意謂: 見到有 "旗" 狀物體都眼冤!), 並立即將一 "海灘灘頭" 對住小牧場塊 "大地", 今日看來, 這灘頭, 果真有 "諾曼第登陸" 之意味, 果然, 一星期不到, 大牧場已收回失地, 擔回7成遊客, 更不止, 緊接而上的大戲, 就是 "精哥!" 兩父子合力炮製, 出動 "鎮牧場之寶" 及我地 "阿四" 哥既 "賭王!" 大戲! 這一下, 不得了, 小牧場立即打回原形, 仲有乜野好講?

剩下的問題是, 究竟當日是那一位 "橋王" o甘好野, 度出 "狂風掃落葉" 呢句口號, 激到大牧場要反轉成個場去對付小牧場? 不要看小這一行動, 日後大牧場多次打擊小牧場, 都係用呢一招, 牧場生態, 從此番不了轉頭 (要贏, 只有永遠 "一牧場獨大", 要把所有對手消滅於萌芽階段!) 過了o甘多年, 今日已好難找到出這主意的人, 這個可能是整個故事中, 其中一個不解之謎. ...
回復 使用道具 舉報
舊電影人 管理員 2022-9-3 16:23:33
7#
INSAFE System
關閉
本帖最後由 舊電影人 於 2013-10-18 19:04 編輯


五香墾丁

當時RTV D節目真係好掂(我自己就是其中的一個編劇) ,但唔等於TVB節目唔掂。唔好天真,兩間電視台節目的touth不同,擁躉(即慣常性觀眾)亦不同--這方面我以前分析過(TVB壟斷了口味) ,玆不贅。但生意上(收視) ,TVB一跌過70%,就叫輸。「輪流轉」被腰斬與其說是被打低(甘先生D嘢一向不順嫂化) ,不如說是TVB大反擊,迅速去返順嫂路線,迅速佔返優勢,優皮甘國亮派係咁先。
舊電影人 發表於 2011-10-8 01:17


其實真的悲哀. 當年的觀眾好幸福, 一個台有好節目, 另一個台也有, 多到看不盡, 兩台鬥的, 主要是節目質素, 最可惜當年仍未出現錄影機.

到現在, 就只有重覆又重覆的一套模式悶死觀眾. TVB 最近這二十多年面對對手的策略, 照我觀察所得, 如下:

對手 (ATV) 收視點              高層反應______________
2點或以下                        見記者時四萬咁口
5點左右                           覺得 "正常", 無反應
10點左右                         開始 "騰雞", 見記者時板晒面口
20點或以上                      已經發晒癲, 瘋狂地抄襲對手節目或不斷複製以往煞食節目,
                                      務求 "質" 飽觀眾為止, 直到對手輸突, 才打回原形, 繼續悶死觀眾.

這樣的電視台生態, 單靠那王x基, 可以改變到什麼?
回復 使用道具 舉報
舊電影人 管理員 2022-9-3 16:24:34
8#
INSAFE System
關閉
再談王老板用六億銀憾低無線個盤數

王老板在訪談中,透露會開設大約十二個頻道,聽到令人(我)打冷震,王老板似乎唔知負荷之重 ,不知秦漢之極。相等於王老板似乎專專注於製作部的劇集部份一樣,唔知道一間電視台有好多部份,尤其是programme dept(節目部) 。

1974年鄙人未入電視行前,替王敬曦(已故) 的大大月刊專訪名人,訪到當時冒升的TVB周梁。周梁當時暗中批評阿King派:「我地本來做programme的,話D production唔掂。好叻,到而家由我地做production叻…」。當時我地幾個訪問者無知至極,聽得一頭霧水。幾年後才了解到,當時TVB自蔡和平離去後,King派權傾滿朝(製作部經理),周梁派好快追上來(轉製作部經理後升GM),一年後(1975)就將King派掃地出門。後來我才知道programme dept.的重要。

蕭氏認屎認屁,話當年管埋programme。RTV當年唔係由麥簫玩哂,查麥氏皇朝(1977-1981) 至始都是一台製作總監,RTV仲有第二台(英文台) 。据記憶,一台製作部管不到新聞部(副總級) ;管不到節目部;甚至連綜合組(屠用雄) ,一般節目组(如兒童節目) 都好少理。而家聽簫氏吹,有幾何聽佢吹過其他非戲劇性節目?佢的講法,一個台好似只靠劇集維持咁,一個台好似只播兩三小時節目咁,今天的王老板又好似咁講法,斃!

(4)
回復 使用道具 舉報
舊電影人 管理員 2022-9-3 16:28:23
9#
INSAFE System
關閉
當年RTV總監(級)之上有副總经理,之上有MD(黄鍚照) 。蕭氏當年只不過是一台製作部下的策劃部經理,even連對手編劇部經理梁x人都炒唔郁(舉例,我不知蕭有冇想郁梁,只知麥想郁梁而不果)---梁手下有一大批編劇,黄鍚照連阿麥都唔俾郁梁。

RTV製作部(之前是梁偉民做總監,以前是張正甫,俱無權)最大鑊者,係可以用技術部(好龐大的多個部門) 但管唔到此技術部(某副總管,RTV老臣子,老黄都忌佢三分) 。記得我係1976年時,仲係RTV散工編劇(掛個visitor牌可以橫行全公司個種) ,忽聞阿麥(時為高級編導,月薪五千元,高過king派三SP的3500元)與收音阿頭有磨擦,此收音阿頭就係副總的馬,阿麥要擺和頭酒。阿麥吹雞,小弟蒙查查被call入列做(人頭)倍客,共十多人,去九龍城飲餐廂房午荼個種。

事隔多年,細節已忘。但有一訝異處,召集者及做公關者竟是當時RTV的一個靚女receptionst(事後才知是某人條女) 。第二個訝異是,我為什麽會是阿麥幫?我初入RTV時是阿King幫的---替天哥寫第一個劇集(20x1/2hrs) 《龍蹯虎踞》(除小明演) 。為的是,大概我後來成為劉x豪(新PD)的專用編劇之故吧。當時蕭氏冇份當倍客,可能他當時仲係新聞部職員之故。他是由何掌邦從TVB帶過來RTV的。

(5)
回復 使用道具 舉報
舊電影人 管理員 2022-9-3 16:29:45
10#
INSAFE System
關閉
我想指出的是,一間電視台,部門之多,管理之複雜,非外人所能明白。小弟拍電影(1992),可一人由拉資金(老板唔識的) , 到拉導演到casting,到自己寫埋劇本,到组織工作班子,到賣到片花(150萬,唔係開唔到戲) ,到監拍(控製預算) ,到上畫宣傳,事後賣埠,一腳踢,公司只雇用一4千元/月助理,搞掂。

電視台唔得,我打個比如,拍電影(獨立製片) 尤如砌一架模型車,開設電視台尤如開設一間汽車製造廠。王老板目前挖到一批TVB「汽車設計員」(編劇)和「生產線經理」(EP) ,及材料(藝員) 。但一間電視台(建設+製作+銷售) 係咪只靠此幾瓣?(王老板背後肯定有大把planning,我依書直說) 。

更莫說荼垢(電視文化及公司文化)這個因素了。TVB荼垢肯定是仆街的(從電視文化角度) ,但它年賺幾億是個事實。王老板的「城市」現在似乎連茶杯也沒有,高價買回來的TVB人,兼TVB舊荼垢,是否能造出一打得的茶杯?有待驗証。如前述,准南枳逾淮北may be即成橘,歷史迭有宿命。

(6)
回復 使用道具 舉報
12下一頁
您需要登錄後才可以回帖 登錄 | 立即註冊