2010-9-1
唏噓！唏噓！

竟聞Alan(鄧光榮)心臟病發猝逝！

本人初入行時，第三份Post係場記，其中第三部即完整拍完的場記工，就是Alan當主角的---"啊，我的情人！"，女主角是印尼女星維蒂亞，及虞慧。

Alen當時直情係一個完美男子！無論係樣貌和身形。相信大家估唔到，Alan中文好到不得了，佢好似係預科仔。Alen沙塵得不得了(叫傲氣吧)，但不是寸。據記憶，他自豪的不是靚仔，而是打得。拍戲中，他對我還好---大明星對下層工作人員多數冇乜嘢。Alen當時還和我合過一照，當時大家年紀相近，照片可謂英姿颯發。當時，我還和Alan比過頭髮粗幼，二人拔髮就比，我的頭髮竟然比Alan的粗。現今大哥(當時未叫大哥)已矣，是為記。

teddyli 我記得好耐以前佢成日係銅鑼灣蒲,我又係個到返工,次次見親佢都三,四個保鑣係身邊. 好有霸氣啊.

死光槍

大哥榮以前喺灣仔銅鑼灣開過幾間酒樓同卡拉ok, 其中銅軒酒家就係佢, 佢跟過陸智夫學功夫

後來未見過Alan，只知道佢做戲好唔掂。但八十年代佢係一個好有份量的製片人，好似拍過幾部好戲，王家衛就由他培養出來。十多年後，我己是一個哎呀編劇，竟由一個叫過我做師父的橋王(已故)關照入大榮撈過半部編劇，橋王當時為大榮什么總監。當時見過大榮老細大哥榮，佢知我個名，但大概唔記得十多年前我撈過佢D戲，冇乜傾計。

近年在街上遠距離見過大哥，都係蠟哂頭穿孖襟閘哂槓個種。大哥個樣仲好後生，起碼唔似一個阿叔，估唔到咁早就去。

死光槍

我記得好耐以前佢成日係銅鑼灣蒲,我又係個到返工,次次見親佢都三,四個保鑣係身邊.
好有霸氣啊.
teddyli 發表於 2011-3-30 00:05

你見到既應該係佢d 0靚, 其中有個面貌凶惡經常喺佢電影出現既馬叫呀峰, 喺銅鑼灣都有開夜場

teddyli

真人係街同睇戲一樣的排場.....鄧光榮 最記得係 學生王子~

參與黃雀行動　救民運人士

2011年03月30日
  
【本報訊】 89年六四屠城，銀壇「學生王子」義憤填膺，透過好友聯絡人稱六哥的陳達鉦、岑建勳等人，啟動了驚心動魄的黃雀行動，成功營救吾爾開希、蘇曉康等 300名民運人士，至今仍為人津津樂道。

扮演介紹人角色

一名「黃雀」昨向本報憶述，營救行動之初，一名負責接頭的黑社會大佬頻開天索價，令岑建勳感頭痛，希望「換馬」。「岑建勳聽聞六哥有好好的『運輸』網絡，又知道鄧光榮有辦法聯絡到六哥，咪搵佢幫手做介紹囉」。

鄧光榮當時透過朋友高世昌聯絡到陳達鉦，與岑建勳等人在一間酒店會面，各人一拍即合。往後的前線營救工作，由陳達鉦正式接手。「基本上，鄧光榮係黃雀行動係扮演一個介紹人的角色，往後冇乜參與實際行動」。

陳達鉦 09年曾公開透露，鄧在六四後透過朋友聯絡他，遊說參與營救工作，並指鄧光榮的正義感、愛國情懷、對六四的悲傷無可置疑，「我地大家都好傷心，好唔理解中共點解要向學生開槍」。當時鄧光榮對此說法有點避忌，接受記者查詢時只說：「問番佢地囉，我唔知呢D野」，「俾你問到一頭霧水，我冇參與過」。

http://hk.apple.nextmedia.com/te ... amp;art_id=15121133

無妄

對老先生"吹水史"興趣缺缺
哥哥死忌將至, 大哥近日亦不幸離世, 反而希望舊電影人抽空於另帖評論或重溫你所知的[阿飛正傳]片段

感激不盡

大哥，消氏"吹水史"在我來說，也是一個case study，有關人性的。

說聲對不起，我寫貼，係想人，但不是了娛人及凑興。是我手寫我心，八年來俱如是(幾吹漲台灣佬)。

我多不會評寫我自己未經驗過的影壇舊事，除非有獨特觀點。

鄧老板和王家衛和[阿飛正傳]的事，我係有一段見聞。

談鄧光榮和「阿飛正傳」，不得不談王x衛。王x衛比我小兩輩，我和他沒有合作過，但見過兩次面。80年代中我是多方面手影視人(背上掛有一得獎編劇虛銜)，去新藝城應聘某導演的編劇Job，見的創作總監竟是一高瘦四眼仔。二人一埋牙就知道傾唔埋，但總忘記不了他咀角掛著的師爺款笑意和眼鏡框後的精靈眼神---是個利害角色。

後來才知道他是行裡的紅編劇，出身TVB，應是睇英文書的影痴友底(老消睇英文書，但不是影痴)。當時新藝城的一部仆街作《最後勝利》(譚家明導演，曾志偉李麗珍主演)，成為行裡編劇(及電影手法)手冊----多人談論(而不是老消時常自吹自擂的發明乜發明物)。《最後勝利》的編劇就是王x衛。(《最》片失敗之處是casting wrong，曾志偉角色本由許冠傑擔演)，後來又知道譚家明是王x衛的師父---精神上吧！