2008-2-16
評《長江七號》(1)--- 觀感

我作為超齡星迷，一直吼住「長江七號」上映，之前睇住「長江七號」D宣傳，心中營住唔掂。

1月31日(周四)開畫日去訂票，發覺各院空空如也，令我大吃一驚。翌日報章話半日70多院僅收40多萬，咁就big pan！大佬，當年「逃學威龍」一個午夜場都收400幾萬啦！

拖到2号(周六) 先同個女(17歲)去睇---兩父女可以有共同的話題。旺角戲院都滿左八成---唔爆！

睇完整部戲，我將頭搖甩，心想，假如寫影評，題目會是：【巨星的消沉】---不是殞落！但都死啦！

LW
高級會員

---->題目會是：【巨星的消沉】---不是殞落！
Brother, I think the problem is ChowSingSing is trying to shoot a film that is totally not HIM!
Honestly, any Disney film can do the same or even better.
Stephen Chow of CJ wants to be the Steven Spielberg of ET.
Sorry, won't Work.
[woohoo, got promoted]

16-2-2008 01:43 #138

jyfungee
高級會員

長江七號見到隻外星人已經唔想睇....
希望遲下人網可以開新區講電影

評《長江七號》(2)--- 觀感

以下以星迷、內行人、觀眾的身份評介《長江七號》。

《長江七號》散場之後，場內一片寂靜，無鼓噪，相當死火，行落樓梯時（旺角百老滙）後面竟有觀眾（30歲到）大聲講起《家有喜事》（1992）來，緬懷過去，失望今日。但好奇怪，無乜人鬧部戲，包括我個女：算係咁啦！但肯定無人讚。翌日和朋友通話，朋友轉述睇過《長》片的親戚話：唔係太差丫！---唔通係同情分?

唔通只得我這個老人家偏激及失望? 過年時報紙影評都無鬧，星仔真有觀眾緣，最令人不耐的是「香港電影」雜誌（#3期），呢本雜誌逢港片都擦鞋，對《長》片大讚更唔使講，我掀左兩頁無睇落去，但亦失去批評《長》片的mood！拖拖下拖到今日，姑且寫兩句。


(3)a

睇《長江七號》

●先講好處，是睇星仔片前的expection感，人生中已好少期待乜野----。
●但結果感到好大鑊，一百個失望！
●唯一觸動我心靈（唔係感動）係星仔出場鏡頭，由空中crane落去，十分震撼。
●套片賣兩樣：人情味+科幻，都仆街。(後面再詳述)
●套片開塲，係大陸片look，都無所謂，但係係好塑膠個隻(鬼影無一隻)。星仔越來越脫離群眾。
●套片聽講話係鬼佬投資，貴過「功夫」。大佬，咁貴嘅片，你剩係俾三堂景我睇?--- 陋屋、學校、工地。鬼佬唔知會唔會查數。
●星仔扮頹廢/消沉，以前只係影片中的establishment，估唔到這一套片中就係咁多。星仔家肥屋潤，放棄觀眾，扮自傷自殘，以為略哂一下，觀眾就滿足。佢無錯卦(家肥屋潤了)，但作為觀眾，就認為不足夠。

(插播，悉聞《長江七號》己收逾四千萬，恭喜周生)

睇《長江七號》

●片中大賣點：徐嬌。作為一個新童星，徐嬌的成就是百分之一千，但作為星仔片的主打，是一大敗筆。側面反映了巨星背後的孤寂，要向大陸童星身上取暖。大胆講句，周星馳本人眾叛親離要向大陸童星身上取暖的故事及心路歷程，可觀性絕對大過《長江七號》的作狀情節。

●徐嬌演技好好，但全世界都知道佢係一個大陸細路女(兼配音)。周星馳聰明一世，真係估唔到香港觀眾會唔投入? 或者周生想放棄香港市塲?

● 徐嬌over宣傳，失去了角色(而不是演員) 應有的吸引性。周星馳當徐嬌是人生中一個doll---by請她做演員 ?

●估唔到影片中細路仔戲咁多，坦白講，佢地演得好好，但始終不是香港所熟識的演員。同時，片中細路仔的搞笑戲，雖然不錯，但都是以前星仔片中熟口熟面場面，同時是斬件上，星仔想搞乜? 插播「逃學威龍」大陸細路仔片段版? 班細路仔戲邊似億元製作的size?

lulucomecome
中級會員

致舊電影人兄:
**但留意到此欄同懷舊欄沉落去，每天仲有人點擊，令我百思不得其解，理論上無人翻睇者，假如有新讀者，都揾唔到啦。我研究緊人網的點擊習慣。
因我是看碟的, 一般會去新浪網看一下影評才去決定看該碟否, 看完該碟再看舊電影人兄評價, 所以舊電影人出帖後一段日子我才會去點擊. 我相信會網友和我一樣的. 我正在從你身上學習怎去評價戲劇呢.

tc1990
新手上路

『但留意到此欄同懷舊欄沉落去，每天仲有人點擊，令我百思不得其解，理論上無人翻睇者，假如有新讀者，都揾唔到啦。我研究緊人網的點擊習慣。』

舊電影人先生：在下一向有追看閣下的留言的習慣，不但如此，我更常常將閣下的留言仔細重讀(溫)。

lulucomecome
中級會員

我又吹下《長江七號》

我亦是星迷, 不等影碟出我就去看他的片. 這次明知該片會令人失望的都看, 這就是星迷的情意結了. 所以就算影評不太理想都會有多少票房的原因, 不過再來一次市場不會再給機會的了, 就想成龍的片一樣.

童星要可愛才好看的, 喂, 你覺得這樣可愛嗎? (另請問假如提名最佳主角的話, 她算是最佳男主角還是女的呢?)

xd仔 (個市很天真很傻)
論壇元老

近幾年星爺ｄ片都走向童話化　已經唔係純笑位
要在大陸賣得　係咁架啦　冇乜計