請選擇 進入手機版 | 繼續訪問電腦版
 找回密碼
 立即註冊
2008-1-24
評《集結號》---文戲部份(1)

「執著」與「救贖」

●電影《集結號》為一部大陸式煽情片 (human drama,sentimental drama) ,人性戲手法催淚就叫煽情片。《集結號》作為大陸式煽情片,唔算好差個隻,唔算好煽情個隻,我都睇得好順。

而以創作論創作,小說「官司」的主題「執著」比《集結號》的主題「救贖」高一皮,比較現代。

「官司」的主題「執著」係連長執著於「無理由團長會唔吹號的」,即imply執著於「無理由團長會出賣我們的」。從追尋人性(團長的motive) 發展至執著,幾西方的。

而附題是「執著帶來人生的荒謬感」---連長執著一生,原來是軍隊棄他們如敝履,團長視他們如糞土,他卻追尋團長的royalty,更荒謬的是他不識反抗這種無人性政策(這一點小說唔敢寫出來),這有點反戰的味道(曲筆喻意,係大陸不能寫得太清楚),這是小說高一皮的地方。
分享至 : QQ空间
收藏
INSAFE System
關閉

3 個回復

倒序瀏覽
舊電影人 管理員 2022-9-1 22:19:48
沙發
INSAFE System
關閉
評《集結號》---文戲部份(2)

「執著」與「救贖」●而《集結號》的主題則是「救贖」。「救贖」的主題唔係話唔好,日本有部舊片《緬甸竪琴》:二戰日本兵戰後出家回到緬甸,雲遊四海緬甸舊場,四方超度舊戰友的亡魂。嘩,當時睇到我猛流馬尿。現今完全忘記哂套片的情節,但主角和尚雲遊緬甸窮山惡水的晝面仍殘留我的腦中。

而《集結號》的「救贖」唔係《緬甸竪琴》個隻,《緬甸竪琴》係toally反戰片,但《集結號》唔係。連長係對戰友內咎,但影片最後有「烈士為國犧牲是光榮」的意思,又去返主旋律個款。馮小剛仲聰明到玩呢隻Drama:「是犧牲不是失踪」,但都係主旋律內範圍---為國犧牲的種程度而非個人價值尋思。

他欄仲有網友話:「通篇都讲个人主义,自我意识强烈,同老共一向的为共产党牺牲的洗脑教育完全不同,竟然过得到电检,体来冯小刚的后台够硬,仲要系新年档期,实在鬼怪」,實在睇錯左。●《集結號》主題係「救贖」,附題都有「執著」,但《集結號》的「執著」係Drama多D,唔係主題。

◎第一個執著係想find out「團長有無吹號」rather than小說的「無理由團長會唔吹號的」,但呢個執著係1958年己解,唔似小說執著到1993年,仲打官司添。

◎第二個執著是「連長千方百計欲找回連隊」,這一點,電影同小說寫得同樣好,而小說比較深刻。

◎第三個執著是連長對自己童養媳的忠誠。這一點由他的「第一個女人」的描寫中反映出來。小說「第一個女人」的一段寫得不錯,增加主角連長的人性描寫,性格round左一D,唔似電影咁flat,唔似電影咁類型化。
回復 使用道具 舉報
舊電影人 管理員 2022-9-1 22:20:05
板凳
INSAFE System
關閉
評《集結號》---文戲部份(3)

集結號第一個鏡頭

●集結號本身算不算是主題?不算。是一個dramatic tagging,是一個懸念,是展現主題的一個結。唔好以為做為片名即係主題,因為呢套片含意係「無吹集結號」或「anti集結號」或「damn you集結號!」。

由這一點講返電影。第一個鏡頭由一個喇叭zoom out,對唔住,係一種作狀鏡頭,具有主旋律片的歌頌性。如前述,內涵上應不是這樣。我認為假如影片要「開」喇叭,鏡頭應該是一個「折斷的喇叭」(或隱喻「damn you集結號!」的喇叭鏡頭) ,才能符合影片內涵。

而家D片都係咁,第一個鏡頭都是整色整水,有時同影片主體無關的。比如《兄弟》,第一個劉德華受傷拉開鏡頭,完全係二四雞粥整色整水,我懷疑拍好之後,覺得條片唔錯,抽出當片頭。反證,睇得出,《大國民》1948) 第一個鏡頭唔係;姜文的《太陽照樣升起》第一個鏡頭都唔係,係預先設計者。而《集結號》一半一半。即有一半機會係倒裝文法,事後抽調。


(本來想好好寫這一章---戲劇處理,但有事要忙,只好從簡)
回復 使用道具 舉報
舊電影人 管理員 2022-9-1 22:20:25
地板
INSAFE System
關閉
評《集結號》---文戲部份(4)

戲劇處理

講完主題及內涵,講影片的戲劇處理。一部戲的組成,除左主題之外,就係感動點(主要劇力) ,之外,是場面、人物、情節及故事。戲劇處理經營這些成份令之work。主題係影評人所關心的課題,而感動點(主要劇力) 才是觀眾實質到肉的地方。

主題同感動點(主要劇力) 有時合而為一,前面提過,如《蕩母痴兒》、《飛越瘋人院》等。有時部戲好多感動點,但主題唔知係邊---可能太深奥或太隱畮---如姜文的《太陽照樣升起》(邊個知道,講我聽)。有D戲感動點同主題都好清楚,好有feel,但諗落係完全唔Match者---如《投名狀》。有D戲好有心靈觸動點(非感動點) ,亦好似好有內涵,但分折落去,是感動點與主題鬧精神分裂症---如《色?戒》---影評人抝餐死。

《集結號》唔係,感動點同主題都好清楚而且好Match,缺點係無鍊盡。如前述,如鍊小說的「執着」主題,就應用現代人性手法寫連長懞懂人性,寫連長的why與團長的I have to & I do,nt care相對抗(最後連長唔明但唔敢反抗鬱鬱而終),咁先刻劃出戰爭之無人性。最好黎一場日頭向四十七烈士墓致敬,夜晚向團長墓扔石頭場面(現在影片剛剛將兩場調轉) 。而終場字幕最好係打出,話解放戰爭中特登將部隊棄於前方當餌的有多少多少人……,無一個家屬要求國家交代,云云。咁就夠反戰兼反共了。(講下啫,唔係叫馮小剛咁拍。)

但照返影片《集結號》的主題「救贖」黎講,故事唔係咁開。而係先開曠塲掘死人骨,然後倒叙戰爭場面,咁個故事就就係「救贖」。然後千山萬水找尋集結號之謎。ending係始終掘唔到D死人骨而且判為「失踪」。老去的連長亦拒絕國家的承認,話自己也是失踪的(對白另行設計) ,人人當佢係傻佬,咁先感動。

(完)
回復 使用道具 舉報
您需要登錄後才可以回帖 登錄 | 立即註冊