系統已解析youtube視頻，ID：

系統已解析youtube視頻，ID：_lYgmeYAlFw

系統已解析youtube視頻，ID：DFNVljAEYbE

https://www.youtube.com/watch?v=_lYgmeYAlFw
臨時劫案 2024 粵語 高清 完整電影

------------------------------------------------------------
備注﹕這裏對影片的討論，純是個人觀感。
看片自認挑剔，並無眨低影片在其他觀眾眼中的地位的意思。
此外，是想從中印證一下本人所輯列的編劇理論，
有錯誤或不足之處，歡迎朋友指正。
-----------------------------------------------------------
Notes‧雜感: 評亨利塔對《臨時劫案》的評論
2024-03-16
說完了港產片人事和編劇的種種，可以說說亨利塔這篇Patreon了。
----------------------------------------
(轉貼)

巴別突擊塔第322集20240311文字完全版
塔哥生活雜誌：《臨時劫案》唔係被吹捧過度的話其實都算一套好戲

ž 話說我之前響網上公開批評某套港產片，結果響一個意想不到嘅地方換黎Backfire，詳情就唔想講，不過以後都真係要響公開場合謹慎言行，只係敢響呢個收費區同大家講心底話。首先要講，臨時劫案的確可以話係近年難得一見講得出「幾好睇」三個字嘅港產片，對上一次我講得出呢個字經已要去到「窄路微塵」，再之前經已去到「幻愛」同「淪落人」。但亦因為太撚多人對佢吹捧得太勁，咁我好自然會帶住極高標準入去睇（但唔係極高期望，因為經已好耐無對港產片有期望），結果當然係同預期有段距離啦

ž 《臨時劫案》成套戲係令我諗番起當年嘅《大事件》：由一場大規模槍戰掀起序幕（客觀講，大事件場槍戰經已成為經典，《臨時劫案》都係爭咗班），之後再打出差佬、悍匪、小嘍囉同小市民之間一連串荒謬複雜嘅關係，最後再黎個邪不能勝正嘅悲劇收場。當然相比起黎，《臨時坊案》個故仔係寫得好好多，唔會好似《大事件》咁眼高手低，起初就話係講劫匪點樣借助傳媒同差佬打公關戰，去到後尾就淪落到變成一套老土警匪片

ž 但係《臨時劫案》響劇情舖排上面都好有問題：前半部佢好想借住啲賊贓轉黎轉去「行一盤好大嘅棋」，資訊量之大係近年港產片少見（唔係講緊劇情過多，而係果種佈局計算，最撚叻咪就係好似《無雙》咁抄人囉）；搞到我一度以為佢係套鬥智片；點知去到後尾戲路一轉，竟然變成講綁匪同人質之間關係嘅溫情片──咁你前面果一大堆佈局想搞乜撚嘢？林雪、王敏德響套戲入面立刻變得可有可無，結果又係犯咗港產片常見通病，三碗水煲埋一碗水，以為係咁猛塞劇情入去就叫「劇本充實」

ž 其實你老老實實將成套戲個焦點放響林家棟郭富城任賢齊三個人身上，反而果種類似《同行殺機》嘅亦敵亦友關係可以描寫得再深刻啲，至少唔會前面有一大段時間大家都無交集，突然間去到最尾就變咗過命交情。另一個我好難接受嘅犯駁位係，林雪叫佢地交番個Passport比佢，唔係就唔退錢，林家棟當時已有咁撚多錢，直接用幾皮嘢塞住任賢齊把口咪得，做乜要冒險番去交收？

塔哥生活雜誌：《臨時劫案》算還咗當年大事件遺憾

ž 至於演員方面，我唔會話郭富城做得差，但正如Robert Downey Jr.響《奧本海默》表現、甚至同呢套戲一樣，都係吹捧得太過份。即係當梅南天個角色設計得咁特別、幫佢設計好咁多金句同特色，甚至要戴副假哨牙黎演嘅時候，演技究竟佔成功嘅幾大比重？唔好彩佢三套攞影帝嘅電影《三忿口》《父子》同《踏血尋梅》都無睇過，但之前《風再起時》、《寒戰》同《無雙》都係一般般，至今次《臨時劫案》我曾經諗過，如果你係搵古天樂、任達華、吳鎮宇甚至陳小春去做同一個角色，會唔會差好遠？我個人結論係唔會

ž 反而林家棟算係我覺得比較Sharp嘅一個，好多人話佢做戲好，但其實都係同郭富城一樣撞手神，今次做一個市儈的士狗真係拍出果種乞尻我憎嘅感覺出黎，至於任賢齊就係一貫水準，永遠唔會係最搶眼果個，亦永遠保持倒中上水準

ž 而家三個主角夾埋撞戲真係有D火花，只可惜要去到套戲一半之後先可以出倒化學作用──如果Cut走前面一堆懶係鬥智懸疑但無乜意思嘅劇情，將個焦點放響架的士同佢地比人追捕、追殺條線度，至少講多些少郭富城做摔角手果Part，起碼唔會好似而家咁，其實佢做咩職業都唔會影響倒套戲，人物背景刻劃反而比起兩個配角仲要粗淺。講真前半部份啲劇情，走去拍另一套片好過

ž 當然彈咗咁多，並唔代表我覺得《臨時劫案》唔好睇，相比起《風再起時》、《金手指》、《白日之下》呢堆仍然係超哂班，大概係70至75左右，比起《淪落人》同《窄路微塵》好睇少少，但就無《幻愛》好睇。有人話張可頤同梁仲恆有關「我未Ready」嘅對白，係暗喻新一代電影人錯過咗香港電影黃金時代嘅遺憾，其實今次睇完呢套戲，亦都叫還咗當年睇《大事件》嘅遺憾

https://www.youtube.com/watch?v=DFNVljAEYbE
《臨時劫案》製作特輯-故事篇︱2024年02月28日 揪團搶劫

系統已解析youtube視頻，ID：u8URMRNLvlA

Notes‧雜感: 評亨利塔對《臨時劫案》的評論

亨利塔拿《大事件》和《臨時劫案》作比較，我特意重看了這部舊片。

https://www.youtube.com/watch?v=u8URMRNLvlA

【朽木】兩大賊王重現香港，直面警察飛虎隊的全力圍剿，槍戰場面酣暢淋漓。經典港片《大事件》

Notes‧雜感: 評亨利塔對《臨時劫案》的評論
有英雄所見略同之處

●其實，對於《臨時劫案》的好不好看，我和亨利塔的觀感，是英雄所見略同的。
只不過我想在技術上分析一下他說的「當然相比起黎，《臨時刼案》個故仔係寫得好好多」這一句的謬誤。
(1)

K

Notes‧雜感: 評亨利塔對《臨時劫案》的評論
兩片故事不能比較

●也不是說，《大事件》是個好故事。原則上兩片不能比較，《臨時刼案》不是三碗水煲埋一㱧水，而是「四餸飯的餸再加咖喱魚蛋、雞蛋仔…」的一個雜亂故事。而《大事件》則是一個相當neat，格調(styel)相當clear的警匪槍戰片。專攻簡單的、重口味的餸菜﹕例如乾炒牛河，或豉椒炒蟹...。《臨時刼案》則是堆砌之作。

---《大事件》是有故事梗的，是有故事命題的，可惜條橋(警方做戲)好快就散咗，可以說是一個失敗的故事。
---而《臨時刼案》故事基本上是破碎的(前面說過了)，即是說，不成為一個完整故事。此片乜嘢題材都有一Ｄ，乜嘢風格都有一Ｄ---動作場面、槍戰、溫情、奇情、人物衝突，prfile描寫、警、匪、黑幫。街坊網絡(sit-com式小品)，人物好笑、人物淒涼的一面…。好些場面拍得唔錯。觀眾(食客)好難唔飽死。
(2)

大事件2004粵語版線上 - 楓林網https://onedrive.live.com/?cid=08B0C4CD0F2019A1&sb=name&sd=2&id=8B0C4CD0F2019A1!119042&parId=8B0C4CD0F2019A1!890&o=OneUp
臨時劫案(粵語)-在線觀看-愛壹帆https://onedrive.live.com/?cid=08B0C4CD0F2019A1&id=8B0C4CD0F2019A1!119043&parId=8B0C4CD0F2019A1!890&o=OneUp
------------------------------------------------------
Notes‧雜感: 評亨利塔對《臨時劫案》的評論
《大事件》Vs《臨時劫案》

●《大事件》是有戲劇目標的故事、camera wok一流，空間感處理，清楚。阿杜處理警匪素材之嚴謹，人物角色的實淨性，《臨時刼案》是不能比較的。可惜香港警匪槍戰片拍得太多，點拍都好唔過《省港旗兵》(1982)。
---阿杜又太受葉繼歡情意結(被捕情況)影響，影片似偏重情節(又和故事梗扣唔埋)而疏於經營人物(冇profile ，冇衝突)，他始終唔係阿麥(麥當䧱)。
---《臨時刼案》則聰明得多，什麼元素都塞入去。《大事件》太單寡、《臨時刼案》則多樣化而雜亂。唔覺意又俾哨牙悍匪Ｄ戲彈出來，套片就光亮起來。《臨時刼案》其實只有兩part主要情節，錢包調來調去，和三個人對峙and逃亡…。而多條支線是四餸飯思維。
----而以故事論故事，連故事本身都搞唔掂的電影，何能稱為「《臨時刼案》個故仔係寫得好好多」呢？
(3)

Notes‧雜感: 評亨利塔對《臨時劫案》的評論
《大事件》條橋基本主係唔work的

●《大事件》有故事命題，但條橋(警方做戲以反擊匪方)基本上係唔work的---有點子但係唔識develop。
---阿杜可以說是處理空間最高明的一個香港導演，可惜佢計錯數，選錯了一個Situation---空間和處境是不同的。
---係入都估到，大半部戲是攻打八文樓，不通，「張力、劇力依賴於一個虛假的實況」，會令觀眾感到嘥氣。成套戲似緊實鬆，警察走來走去，嘥氣。你估喺香港可以拍出一部《Die Hard》來咩？
---八文樓肯俾你拍都算唔錯了。阿杜拍此Place已盡晒力，但八文樓這個Place本身就是冇得發揮的，係人都唔相信，一班大賊可以喺一間小房間中匿埋咁耐，亦唔相信喺窄窄的走廊中可以打咁耐槍戰。「做戲」(食飯盒？)的戲根本很少，無橋。《大》片的編導在打困籠了。
(4)

Notes‧雜感: 評亨利塔對《臨時劫案》的評論
Place Vs Situation

---似應先搞清楚「困局戲」和「對峙戲」點拍法才是，有多少「反轉位」可以用？劇情點推進？都要講求「處境」(place因素最重要)。多年前聽麥當雄說過一條電影大橋﹕一班人(武師？)攻佔了一間電視台和警方對峙…，用Media手法向社會投訴…。電視台中有後山、有廠房、有播放間，這個Situation先至可以發揮…。而家《大事件》描寫班賊在房間中他條地煮飯、食飯，拍荒謬劇咩？
---最大鑊的是，Ｄ情節谷唔起「警匪雙方在Media上鬥法」的重點。用條靚仔用互聯網反擊，weak 唔weakＤ？係人都識將座大廈停晒電至講！
---阿杜Ｄ警察片、黑幫片，啲人物角色造型及演出通常都好好，但有時人物刻劃得唔夠好，這部《大事件》人物就流於「工具人」(原型人物戲)rather than「以人性沖撞戲作出發點」的人物。比方，《槍火》就不同，轉折位又多。
(5)

Notes‧雜感: 評亨利塔對《臨時劫案》的評論
缺乏debate

---《大事件》最缺乏的是，主人物角色對故事命題(警方做戲)沒有感受、遑論道德感昇華了。《大事件》尾段，變成警匪二人辯論人生觀，故事命題走晒樣。
---主題、命題谷不出，主要是對這個議題(警方做戲)缺乏debate(老外的理論及方法)--是影片自己debate，不是人物角色debate--same as《填詞Ｌ》，作者唔識亦唔夠膽跳出自己世界去debate(影片本身的反思)一個女仔以填詞人作志業，但在填詞人缺乏出路、女仔缺乏才華之情況下，如何去探討meaning？單純勵志(其實是掙扎)，是陳腔濫調濫了。
---當然，debate戲好難拍，要靠人物角色的深度以釋出。照正路，要將陳慧琳塑造成似忠實邪的警司。她的「做戲行動」完全失敗，匪方意外地大勝，才能激發起這個反思。《臨時劫案》更加唔使講，沒有故事命題---shift去粵語殘片式的「兒子被雷劈了」！

(6)

Notes‧雜感: 評亨利塔對《臨時劫案》的評論
臨時刼案》與《大事件》的關係

●講下《臨時刼案》與《大事件》的關係，好明顕《臨》片好多靈感來自《大》片(說不上是抄襲)。我覺得，《大事件》中的悍匪一本正經的冷酷(尤其是那個阿朱)似觸發了郭富城這個角色---阿社似乎想正寫這班大賊，從尾場陳一元(任賢齊)表現人性中可見。
---麥啟光抄料，陳一元結束受傷兄弟的性命這一點尤湘似。但《臨時刼案》中的梅藍天過多的「補槍」，就變態了。
---警匪的定位，兩片亦不相同。陳一元(任賢齊)是連警察都不殺的，但梅藍天嗜殺如命。似乎，新導演習慣，為了場面效果，會唔諗得咁多，連角色的統一性也不顧。師傅教路，萬萬不能搞衰主角的性格。梅藍天嗜殺，Ending的悲涼命終，就好撞格。
---《臨時刼案》第一段(打刼)更是東施效顰。前面說過，《臨時刼案》的場面設計及安排是相當clumsy的，而且相當混亂。只顧場面效果(撞車)，不顧情理。廟街平時連行人都很困難，有很多攤檔在，你仲搵兩架大車去打劫？仲要搵架拖車鎖住車入？咁咪塞死自己？大佬，廟街假如準行車，是單行線呀！無錯，係為了讓張可頤過嚟開槍，但clumsy囉。
(7)