---故事setting up問題(A)

◎《壹》片最被人議論的是故事setting up問題。對比《監》片，《監》片很簡單，就是一部監獄經片，一個昂直市民家輝聯同義兄弟周潤發對抗大噩的故事。《壹》片本來就是簡單的「壹獄壹世界濶少踎監日記」，但內容唔能夠完滿地achive到題旨。唔知點解，觀眾梗係Feel唔到濶少王宗堯監獄外內世界的contrast，Feel唔到濶少的轉變，Feel唔到濶少成長的喜悅。

我認為，《壹》片的獄中黑暗都是皮毛描寫，有趣(性方面、煙仔方面等) ，這些和人物扣唔埋。反觀《監》片，梁家輝這個人物好扎實，是個昂居中產，悲劇性格帶動部戲。整部片衝突起因是家輝向發仔報寸何家駒&手下偷了發仔的剪刀---編劇功力所在，細緻，真實。而《壹》片編導群，冒犯說一句，內功不深，唔識諗呢一方面。

(1)濶少王宗堯有面譜，冇乜性格(指對監獄的態度及反應，成日作驚青狀係唔得的，lack of intention) ，仲加埋用旁白---扼殺咗于日晨這個人物的發展空間---Siu氏成日講投入論，觀眾suppose投入于日晨身份內心去experience監獄種種，點知主角變咗全知觀點的presentater，死得。

(2)監獄經戲唔完美，應elaborate唔elaborate，應short 短唔short 短。最令人扼腕的是「于日晨突然可以食龍虾」，用旁白交待，嘥晒濶少由孬、可憐變威猛的過程。

(10)

---故事setting up問題(B)

(3)主衝突戲有問題，前面說過，另一濶少張建聲因小故追殺王宗堯，基本上不是監獄故事。前面說過，這個起因好無稽，好唔寫實片。反之《監》片中，「家輝向發仔報寸何家駒&手下偷了發仔的剪刀」是切中權力鬥爭。無錯，《壹》片編導群就係neglect了監獄片核心是權力鬥爭，成日去玩屎尿屁陽具打飛機。

(4)張建聲演出好落力，但呢個人物唔真實，同《監》片中張耀揚比，蚊脾與牛脾，張耀揚為了權力，玩政治，本性又兇殘十分真實(很符合今天黃絲帶眼中黑警的形像)。張建聲呢個人物是個狂人、實是傻佬。最最最最令人不可接受的是幾秒之間打低對方(大佬)，就可成為大佬，破壞了監獄世界的倫理格局。

(5)主衝突戲的切入，由張建聲入獄引起，甩轆兼散渙。話說，每一部戲都會在前面入戲(premise，導演話俾觀眾聽呢部係乜主衝突戲) ，鬼佬理論係前三分之一段落。八十年代港產片大多數要第一本戲(頭十分鐘)入戲，例如成龍的《簡單任務》，第一場戲由驃叔講出(抄自占士邦片) ，very good！王晶片這方面(入戲) 亦好成功。《監》片主題無疑是「壹獄壹世界潤少踎監日記」，但其實是背景，好似湯底咁，呢一點入唔到戲。主衝突戲還是躲避張建聲的追殺。但，如前面所說，衝突本身不掂，不涉監獄權力鬥爭，起因牽強，張建聲堅持追殺下去，無ground，無development，入戲點太遲。何不simply set張建聲就是獄官(盧惠光) ？

注﹕《監》片的入戲，我的閱讀，認為，由卡士引起(發仔出場smart-ass樣已經有戲)。係第一本戲中發仔與家輝邂逅，二人眼神接觸的一刻﹕雙雄將對抗獄中環境(大噩)---阿東的鏡頭好準確。

(11)

---故事setting up問題C)

◎故事設計本身己經唔夠好，過程描寫亦有偷懶成份﹕張建聲點解咁憎王宗堯(女嗜，好唔現代)﹔王宗堯突然食龍虾﹔張建聲突然扎做大佬﹔點解張建聲可以調來調去？(以上破壞了監獄的真實世界)。調錯兩封信是如何造成的？(幕後人說，女友後來因而自殺)。

最令人不解的一點，是張建聲(手下)究竟有冇殺害蔡瀚憶(甴曱)的女兒？(智叔話無)這一點好重要，係谷王宗堯賣兇殺人的、然後自己動手。最後高潮的解決是由另一個強國入出手，whart the hell？何不話有一個雷劈落嚟劈死張建聲？強國入出手唔係唔得，前面要鋪(hint或透視) ，壹片呢班入完全唔識用透視。正路係智叔用計殺張建聲，但冇事(但咁又會違犯〈壹〉片智叔是社工正義友款的原義)。

(12)

---故事setting up問題C)

◎故事設計本身己經唔夠好，過程描寫亦有偷懶成份﹕張建聲點解咁憎王宗堯(女嗜，好唔現代)﹔王宗堯突然食龍虾﹔張建聲突然扎做大佬﹔點解張建聲可以調來調去？(以上破壞了監獄的真實世界)。調錯兩封信是如何造成的？(幕後人說，女友後來因而自殺)。

最令人不解的一點，是張建聲(手下)究竟有冇殺害蔡瀚憶(甴曱)的女兒？(智叔話無)這一點好重要，係谷王宗堯賣兇殺人的、然後自己動手。最後高潮的解決是由另一個強國入出手，whart the hell？何不話有一個雷劈落嚟劈死張建聲？強國入出手唔係唔得，前面要鋪(hint或透視) ，壹片呢班入完全唔識用透視。正路係智叔用計殺張建聲，但冇事(但咁又會違犯〈壹〉片智叔是社工正義友款的原義)。

(12)

---故事setting up問題(D2)

有人間，《壹》片點解唔學《月黑風高Shawhank Redemption(1995)》？唉，世間上有幾多部《月黑風高》？且《月黑風高》基本上是一部奇情片+逃獄片。西片好少單一用監獄(生活)當主戲。監獄(生活)是素材，是湯底。得加入命案、查案、權力鬥爭、逃獄等等，才是故事題材。「壹獄壹世界潤少踎監」是一個高級題材，所以拍唔出，得加建出一個外間狂人張建聲追殺王宗堯作為題材(主衝突戲)，則兩頭唔到岸。(反觀〈監片〉中監獄環境和張耀場是一體的，張耀場等於是〈龍門客棧〉中的大檔頭)

講返蔡瀚憶(甴曱)和智叔呢一Pat(配戲) 。如果放棄温情老套，可以將智叔set為獄中大反派，前身做過獄長，現任獄長除錦江是他的徒弟，二人有屎忽數。智叔與王宗堯同是中產底(認識余安安) ，點知係獄中會陷害王宗堯(為了討好獄方，some thing like that) 。蔡瀚憶(甴曱) 就扮演《監》片何家駒角色，扮相可憐但小人一個。《壹》片編導群仲好保守，以為「好人戲」(編導心中的好人)才是戲。

近看網上一法國監獄片《預知者》(缺英文片名)，劇情very good。入面個個監犯阿叔(大噩)造形+演技，以及主角小子的打出頭過程，十分精彩，令人拍爛手掌。港人眯埋眼照抄(最好揾新人做)，都會賣。鳩兩句，試抄《預知者》﹕主角(背景)為10年後回港的懷仔(外形智障，但IQ 180)，又犯法入獄，有多重身份。獄中監犯映射各政治派糸。阿叔係郁人化身，阿達亦入咗去(但唔妥郁人阿叔)。新移民大陸人亦有一幫人。獄方代表特區政府，軟弱無能....。Ｄ戲一定撞到澎澎聲。

(14)

---故事setting up問題(D3)

◎據Siu氏說，部戲後面(本來)仲有「女友自殺」和「與母親余安安吵架」兩大段。未睇過，不能細評。直覺認為個故事可能未度掂---否則有乜理由咁都剪得埋。

besides，現在放映版「王宗堯出獄後洗心革臉」，是一個敗筆。《壹》片幕後太保守，以會一部「乖戲」就是「有戲」，其實是，如Vera所說，膚淺的說教。

師父教落，Ｄ戲唔好講出來，得讓觀眾感覺到，高級Ｄ叫感動，銀幕上Ｄ人(角色)喊無用，要觀眾眼眶濕潤(而家無人會喊)才有用。《監》片散場前無話家輝有無改變(只是增加閱) ，同笑容滿臉的發仔(囚車中) 揮手道別，是監獄這場人生經的Round up，也是二人情感的Round up(這叫戲劇上的relief of tension)。所以說，《監》片的劇本是很完整的。發仔笑容滿臉則代表新藝城精神及風格，亦反映了80年代香港人性格﹕小男人式的smart-assium or smart-ass的小男人，卑微的瀟洒(但由高大英俊英雄發仔扮演)。

(15)

---故事setting up問題(D4)

◎至於影片中仆嘢及女人戲，是商業需要，無壞。在更高的水平要求下，是combine得唔好。女人戲是王宗堯的背景建立，但碍於篇輻，又得用旁白交代。滾水淥脚咁，觀眾入唔到戲(這一part)。靚女連面譜都無(遑論性格、對白)，只有身材，只有場面。

第二點是剪接，理論上是分場問題，實際上係用flash back亂插入監獄片段中。Siu氏侈談結構，可以休矣。flash back+旁白，天下無敵，其實是破壞了述形式(老行尊叫唔識拍戲)，猶如幾十年前我們拍實驗電影的心態(隨心所欲) 。

此外，仆嘢及女人戲太似「一路向西」mood，好唔好呢？唔識講，總之似雞蟲sex live 多於濶少sex live。

(16)

---故事setting up問題(D5)
         
◎因為無睇過高登原著小說，不知小說對影片的影響。80年代，好少全套改篇小說的，偷橋就有。唔係話電影人自大，小說橋多數渣過電影橋。試間香港小說家有幾多個成為編劇的(倪匡離開張徹則不成，我都改過他的劇本)，遑論編劇家了---恐怕只有一個彭浩翔(但他很少出版小說) 。我改編過很多小說(無版權的，如短篇)，也和幾個參與編劇的小說作者共事過，有此體驗。強如今天的爛口達，他的〈金錢獅〉小說，可謂不堪目，我鋤過佢幾篇，但佢照樣出書。

講返《壹》片高登原著小說，我只能說，改編得好唔好為重。關鍵是將知識化成戲。師父教落，知識(same as思想)會防碍感情流通，當然亦會防碍戲。我大胆推測，高登原著小說可能只提供了一個概念(俗稱idea)，一個「潤少踎監」的概念。所有行語都係adjective，唔係solution(橋)。我大胆講句，《壹》片編導群住呢個idea ，閉門造車去編仲好過，可能仲海濶天空，唔使受高登小說知識性素材滯碍，除非你能化為戲(但將主角碌嘢穿珠又太過份，破壞咗主角角色)。

(17)

回覆 30# 的帖子
  
《壹》片issiue不是爆(點) ，而是flop(仆)

Siu氏的巧言令色，人們已熟識，辯詞得啖笑。一個電影界朋友駁斥曰﹕「做愛(男方)會唔會唔記得射精的？嚟講！」Siu氏毁過於無返睇《監獄風雲》(小，我為咗寫文，都第一時間返睇啦)，詭辯(號稱自己寫的書，沒有看過原稿就出版，是另一種)。

話說，逢做過香港電影圈的人都知道「打Ending」的重要。而港產片只有打、笑、咸、鬼怪幾大片類。而大部份港產片都有打片的精神﹕最後正邪對決，所謂「打Ending」。武打片打Ending通常要練半本戲(4、5分鐘)以上。《監獄風雲》中的發仔鬥張耀揚，是早己伏(鋪排)好的，不存在「唔記得射精」，而只有陽萎早洩問題，《壹獄壹世界》恐怕是如此，原因不詳。Siu氏不用攬上身，篤龜編劇都有四個。白丁觀眾都知道呢一場唔掂。

第二點，再安排王宗堯和張建聲對決一陣子(後由強國人殺張)就是爆點？多了這一段，《壹》片就會大賣？don’t make me laugh！《壹獄壹世界》day one票房就flop(仆)，唔通觀眾預先知道無呢一場先至唔入場？兩條院線映五六場一天收50零萬(記得《逃學威龍》一個午夜場就收4百萬)。《壹》片沒有期望值，也沒有持續成長力(hkfilmart報11天收579萬)。《壹》片issiue不是爆(點) ，而是flop(仆) ，Siu氏轉移了視線。

(A)

---大反派的建立、走了味的佛跳墙

第三點，三歲蘇虾都知道，《壹》片的渣高潮(or lack of 高潮)不是由於王宗堯和張建聲對決的treatment(處理) ，是整部戲的問題﹔是張建聲建立及衝突及development的問題。記得《龍門客棧》(1967)Ending睇得人血脈賁張，就是胡金銓有層次地建立了大檔頭(苗天)的威武之故(用襯托法) ，這是劇力ABC。記得史畢堡的《第三類接觸》亦如是﹕前面小花燈(太空船)飛來飛去，最後一場才出一個遮滿銀幕令人窒息的外星人太空船。《監獄風雲》中張耀揚出揚次數不多，但場場精采，首選第一場仆濕大傻個頭個一段，眼神凌厲(但我到而家仲未記到張建聲的眼神)，最後被咬耳仔(預知者中阿叔不準見扎起的小子主角，被人推倒在地，人心大快)。

持平而言，《壹》片幕後人對張建聲這個角色下了很大心血，據說張建聲本人就增肥了50磅。二人恩怨伏線著墨頗深，幕後人的努力值得嘉許。但創作唔係咁measure的，要講內功，x流和一流是無得比的。記得《冰封俠》花了三千萬的青馬大橋大戰，觀眾卻無感覺，皆因無戲，皆因前面建立唔到大反派王寶強的反派感染力。需知道，《龍門客棧》中演員苗天基本上係唔識打的，一樣咁好看。張建聲角色的缺失前面說得太多了，這裡不贅。《壹》片的高潮(or lack of 高潮)= 王宗堯和張建聲沒有對決，其實不止於男方，很有可能是女方是塑膠公仔(吹氣娃娃)的緣故(比喻)。

第四點，siu氏將問題簡簡單化。比，假如28年前的《監獄風雲》是一桌新鮮熱辣的佛跳墙，而《壹獄壹世界》這桌佛跳墙則是隔了夜的，沒有變味，而是走味(爭Ｄ爭Ｄ) 。唔係話加一乍新鮮的疏菜落去，就會起死回生的。上述各貼分析不是由於影片flop(仆)了(相對地)，而是用《監獄風雲》比較，以片論片，以供有興趣電影創作的朋友作參考。

(B)