2012-9-26 談消家班影業發展(一)---《3D肉x團》究竟蝕定賺？ 去年(2011)我以舊行家身份評析《3D肉x團》一片，是以投資角度評論：用2500萬拍一部三級片，值不值得----純粹花生友取態。結果，証明「3D+情慾」是一個大成功的綽頭，消氏本人影史可留名。《3》片在港狂收4100萬，全行大跌眼鏡，本人亦認輸。消氏以後開拍的影片計劃，我都沒有評論過。消氏無章法的拍戲及拍資，一般人真係唔識睇。(本人自認敝鄉，以下是靠某舊行家朋友指點下的評析) 然而，我雖估錯《3》片香港票房，但整體港片投資哲學沒錯。話說，做任何生意，都要講市場的，都要講回收的。係行內，白痴都知道超過千萬元的製作，假如冇大陸埠(三級片又冇乜海外埠時)，肯定會蝕本。因為票房收入拆返嚟只有35-40%到。投資2500萬製作，不計宣傳費，全球就要賣7500萬到才能埋到本，冇大陸埠，賣條毛？消氏當日對住長毛話，《3》片香港票房就回收了成本，係擘大眼說謊(今天則對住肥婆J話《一路向西》賺硬一千萬)。香港就算狂收4100萬，到肉的只有1500萬到。

而大鑊的是，《3》片擾嚷年多，宣傳費用直如天文數字(公司開支亦是一大筆) ，估計製作以外的開支---有人話2千萬，有人話3千萬。總之，結果中國3D數X(807x)2010年年度報告話蝕咗三千六萬----《3》片所賺去咗邊度？行家朋友話，唔好傻啦，去年《3》片是暗瓦底，慘勝了。

仲唔知扣埋個億多銀集資未？行家朋友話，個億多銀集資，理論上係係股海中蒸發，而非蝕去。至於蒸發了去那個地方(恆指又冇大跌)，毋庸多說。行家朋友說，這似是影行中「賣大座蝕大本」的老故事，今日新穎者係蝕本的人不是直接投資拍戲者。同時，個人認為，由於《3》片近乎九拍，得不到行家的尊重，這也是冇乜行家穌呢班人的原因之一。朋友說，《3》片暴收，但幕前幕後冇一人扎起，煞是怪事。本人脫行太久，亦唔識財技嘢，對朋友此番言論，無資格置喙。

行家朋友又補充，《3》片製作費2500萬，似乎有Ｄ報大數。但點都好，公司蝕咗三千六萬，而《3》片本身究竟蝕定賺？無人知。

avogadro 回覆 545# 的帖子 賣大座蝕大本, 會唔會同13年前 [風雲] 同一類case? 一樣收 4,100萬

>>引用:
原帖由 avogadro 於 2012-9-26 08:12 AM 發表
賣大座蝕大本, 會唔會同13年前 [風雲] 同一類case? 一樣收 4,100萬 <<

應該係另一種case。朋友同我講嘅係「夾錢買馬票」呢種事。分為：有心唔中嚟揾錢，結果係「票房仆街蝕大本，一拍兩散，袋袋平安」。第二種係點知中咗(馬票)，唔知點好(如西片《Producer》)，記憶中，影行冇咁嘅事。第三種係「賣大座蝕大本」，而幕後人係想大賣座的。觀乎《3》片力谷宣傳就知，而背景轉咗，賭桌似在股海這一邊，是今天的新玩法，而蝕本非其所願，電影公司這一瓣結果蝕幾千萬，估計，除了「不肯慳+不識慳」之外，策略上表現出無章法：「落重本投資冇大陸埠的片」，亦是其中一個原因，但講到浸，影片目的係集資非回收。

《風雲雄霸天下》(1998)係大公司嘉禾投資，點會係「夾錢買馬票」呢種事呢？(應是BangBang的《狐蝠》的模式)。《風雲》當年大賣座(4100萬)，蝕唔蝕大本，我唔知(有大卡士喎)。據記憶，這一種特技片一出兼賣座，文雋(該片監製)就鼓吹香港一定流行呢種片，我當時在報章有專欄，斷言呢種特技片一定唔流行。一句話，成本太重。好比汽車好賣，但香港唔會有汔車廠一樣。香港電影工業(即三品中的產品層次)始終係山寨仔公司層次----大如嘉禾，也是山寨仔公司。(但港片作品層次，創意一流)

這也是十多年後我反對「攬住3D會發達」的根據。3D是技術，不是技巧。內容結合技術(如《阿凡達》)才能產生效果。「第一部3D情色片」even不是技術取勝，而是綽頭。用幾千萬催谷出一種觀眾渴望，這方面是成功的，所以獲得了「傑出市場策劃獎」(此獎和影行無關)。我認為，電影百分之一百需要綽頭以吸引觀眾入場(綽頭低不低俗，是另一議題)，但不能當主菜，也可一不可再。

《3》片獲(2011年)「傑出市場策劃獎」

關於「傑出市場策劃獎」，嗲多兩句。據資料：

『...........《3D肉蒲團之極樂寶鑒》再獲佳績，於10月17日舉行的“HKMA/TVB傑出市場策劃獎”頒獎禮上共得三獎，分別為“市場策劃獎－銅獎”、“最具創意獎－發揮三維想像3D肉蒲團突破傳統框架”及“最佳演繹獎”。

　　“HKMA/TVB傑出市場策劃獎”由香港管理專業協會於一九八五年創辦，創辦至今第二十六年，今年為第一次有電影系列入圍角逐獎項。評審團對《3D肉蒲團》的評語為：“這是個大膽、創新、且具成本效益的市場推廣計畫，利用創新的產品設計及突破傳統框架的宣傳策劃，為本港電影業打開新的平臺，並創出破記錄的佳績。除了對電影造成深遠影響外，亦衝擊了從業員改變推廣電影的手法。”......... 』
(2011-10-09新浪)

(1)

人們應該肯定《3》片得到這些獎項的，但於影行來說，是不足一哂的。而於我來說，HKMA/TVB係開《3》片玩笑。我前年著有長文欄，就係想証明《3》片市場策劃屎。

我睇過一部Danny DeVito 主演的《Other People's Money》(1991)，其中有一警句：「世間上最蠢的事，莫過於擴大投資一種市場萎縮中的產品」。影行人話「世間上最蠢的投資，莫過於重本開拍一部冇大陸市場的影片」，朋友再加一句，蠢上加蠢是重鎚宣傳。朋友又話，but，唔重鎚宣傳，影片又點會賣座，影片唔賣座，又點集到資。

所以HKMA/TVB係亂彈琴(或故意欺騙)，朋友話，《3》片明明市場策劃屎，仲有獎攞？4100萬係(本地)營業額，非市場回收呀！睇真D，HKMA/TVB似乎分不開「影片市場+產品市場策劃」Vs.「產品推廣策劃」的分別。然而，後面他們又著重「市場推廣計畫」一詞了。(我知，marketing係refer to推廣，而我用的"市場"refer to market)

HKMA/TVB在頒獎詞中說：「《3D肉蒲團之極樂寶鑒》....且具成本效益的市場推廣計畫….」，但睇下0807x一個月前(2011/09)年報點講：

『....由於在本年度出品之3D電影對觀眾及本集團而言均屬新項目，故投放之廣告及推廣開支較預期為高。連同於年內出售擁有影片版權之公司影片版權之減值，此業務分部錄得虧損為18,900,000港元（二零一零年：42,900,000港元）。』

是「投放之廣告及推廣開支較預期為高」耶!!! HKMA/TVB是不是公開欺騙受眾？朋友話，唔使勞氣，HKMA/TVB基本上無人識，好大可能係借塞個獎俾《3》片，以宣傳自己。佢地班人，唔通唔識炒股咩，唔通唔知影片同股海的關係咩。

參考
http://finance.sina.com.hk/q?s=08078.hk/info/2.html

(2)

談消家班影業發展(二)-----《3D急涷x》和《3D紫荊x》

去年(2011/5)《3》片大賣之後，消氏意氣風發，儼若king of the world(占士金馬倫)，所有片都可以點石成金咁款，當時宣佈過什麼《功夫BB》的九嗡片等。最後(2011/11)決定開拍《3D急涷x》和《3D紫荊x》，前者號稱投資1.5億元，後者號稱投資7千萬元，與大陸合作，港方佔1/3資金，云云。

咁嘅拍片策略，令人搖頭不已。但消氏當時已成電影神，冇人敢擢其鋒，固然冇乜行家(包括娛評)穌呢兩部戲，但亦冇乜人彈呢兩部戲---包括小弟，只說了「睇你點拍」的話---說了等於沒說。當時我的行家朋友聞訊卻大嚷：「某某係唔識拍戲的，學咩人拍合拍大片？」。誠然，和大陸合拍大片，程序繁複，困難重重，唔係話拍就可以拍。朋友話，唔好傻啦，話消氏&Co.在「搞拍戲」而已。

由於消家班當時風頭火勢，兼唔好阻人發達，朋友當時(疑似)踢爆之言，不宜公開。現在時間過了近一年，資大概也集了，可以講一下----but朋友純是推論，並冇實証。

所謂「搞拍戲」，即是以籌拍的動作吸引資金。在外國都好興有理冇理拍咗一小段Trailer，印幾張爛鬼海報，去各影展兜售(預售)，有人入搭，簽咗買賣合約(大概俾小小訂金)，該搞手(通常係producer)回國以這些合約為據，拉金主入搭投資---呢Ｄ係高級搞拍戲手法。

而香港做法係先mark到一個大卡士作起步點，拉到片花合約，就有金主入搭。而消家班賭桌似在股海這一邊，睇下這一年來807x集到幾多資就知道。朋友話，仆街，大陸唔好靠害，真係批出批文俾佢地開拍---馬票中獎係係大陸手上！Ｄ政治仔仲講乜嘢投共，膚淺到暈。

講返搞拍戲，朋友分析，《3D急xx》係大陸佬(院商)口頭答應(有乜屎忽數，冇人知)，消父子於是大搞。以(號稱)四千萬簽咗子彈，應該要俾兩三百萬訂金卦。子彈亦係老雀，收咗錢，咪俾你舞囉。又gill頭又拍海報，搞拍戲啫，咪搞住先囉。朋友話，彈爺睇死你開唔成，訂金白攞白不攞。消氏公司話明影片2011/04開拍，彈爺一過屈尾十去拍《特殊身份》跟住又拍與發仔合演的《大鬧天宮》。《特》片導演霍耀良正是23年前《急凍寄俠》(1989)的導演。霍仔係(1981)隨消氏轉投邵氏的消氏子弟兵，點解唔揾佢翻閹？而相信在拍《特》片時，會和彈爺笑談《3D急xx》的傻佬做法。

(2)

朋友又話，搞拍戲冇人話你，但消氏做法令人搖頭、異相。億幾銀的投資，居然會在網上做大龍鳳，會同網上友仔度劇本，煞有介事話度到第幾稿。消氏基本上係褻瀆拍戲。而投資2/3的大陸金主居然無say，任佢舞。一片之靈魂的導演彈爺居然行咗開去，連搞拍戲都係九搞。

朋友話，消氏有時short short地，話當年襟住自己，特登俾麥當雄成名咁話，笑死行家。朋友話，以電影(編導製及魄力)論，阿麥可以稱得上為教授級，消氏相比之下，仍然係一個小學生。唔係話踩邊個，朋友話，消氏仲唔知乜嘢係電影/拍戲，佢even唔識電影文法。自稱為《3D肉x團》作品人，佢唔知作品一定係refer to導演者。

消氏自詡電影神，卻活在麥氏陰影下，有冇搞錯，22年前的《玉蒲團》，明明無利可圖，仲去翻拍？而，連抄都到一Pat屎咁。朋友話，估計消氏被人滾，《3D肉x團》拍成七八十年代feel的武俠片，皆因主事人唔識拍戲，但又裝假竇去劃story-board，行內人為之齒泠，另話。

(3)