2011-10-19 再談王老板用六億銀憾低無線個盤數 王老板仍不停發表三年打贏無線的偉論。我都好憎無線，但睇問題應是其事非其非，要講論証。亂吹當偉論/定論，認真無謂。Btw，我現今和影視業全無關係，和城市乜乜亦無嗱Lung。在此純是吹水(但自問不是亂吹)。假如有講錯，望城市老板&Co. 不要介意。 我好唔明白，王老板係個生意人，應該識計數。對電視就算是外行，既然落水投資，亦應該調查過以及問過人---明周話佢有五個顧問。然則王老板近日發言，只否扮傻仔大智若傻，實則後面有大把計仔？旨在擾亂對方？這裡不管，就王老板公開的「偉論」作月旦之。 撇開分析不談，講大路邏輯，六億元六年真係打唔低無線，除非後面原來擁有60億元資金！計劃六億元/六年打唔打得低無線，不是勇氣或智慧的問題，而是認知(無知)的問題，而是簡單算術問題。就算有$都唔得，除非王老板能找出過去卅多年諸先烈失敗的原因及矯正方法。 (1)

歡迎網友發表意見，睇吓王老板搞乜鬼。Btw，我唔識得哂所有嘢，尤其是這十幾年和電視具體操作已脫節，但電視原理(創作上和制作上)是不會大變的。我依書直說+幾十年前的親身體驗。假如有錯誤，請網友指出。(這一章仲有少少，寫埋佢先)

Wilde

最後會不會是"佳視"的翻版呢？不過王老板咁識做生意，無理由做埋D蝕本生意架，為乜呢？真是摸不著頭腦。

王老板在明周(2238期) 中說：「聽過有些劇每集成本二十萬，我會提高到成本每集一百萬，第一年用二億拍260小時劇集，2013-14年520小時，大約五億。」希望王老板唔係做gag show，這番話聽得我幾乎從椅子掉下來，五億原來咁用的？這顯然是荒謬的。打個比方，現在人民解放軍每個官兵平均人工兩千蚊一個月，我用三千蚊一個月請1萬條友嚟當兵，那我用3千萬銀/月(一年三億多)就可建立一支香港解放軍了，我支軍隊咁高人工，仲唔打到你一仆一碌？呵呵。

樂易玲說，TVB一年開支就60億，利息就要你兩三億。五年五億會打低一年60億？王老板盤數點計架？佢可能將「包拍劇集」(260小時) 同搞一個電視台(12個頻道約幾萬個小時) 撈亂咗。你用哂Ｄ錢嚟拍劇集，咁用乜錢嚟起廠房兼買設施呢？一個電視台唔係街邊花生檔，擺個木頭箱就可以開檔。王老板盤數點計嘅呢？

(9)

1975年RTV新舊交替時，麗視三雄狂攻TVB，not even用線(陣地戰)來攻，無咁嘅實力。而係用柱狀攻勢(突擊戰)：星期四節目--奇案+家燕與小田。阿king派後來的線狀節目如三國志及十大剌客，一出就死。總之，据記憶，一線節目(節目) 已好辛苦，多一線半线，全台會人抑馬翻---RTV的四樓製作部好細，兩台戰狀進行係人都知。

鄙人在RTV中途(1977年) 叛出投CTV，聽CTV創作部阿頭賜官訓話，他當時笑口吟吟用「大白鯊」來形容節目(air time)需求，叫編劇们不要脫稿。我認為用「大白鯊」形容很傳神，其實「大白鯊」不是節目需求，而是觀眾。試舉例，電影人用年多時間拍一部片，觀眾用兩小時就把它消費掉了，電視節目亦如是。

觀賞規則的「進步」令節目消耗度更形加快。十幾年前我開始用VCD，半年之內就把荷李活十多年來的電影及劇集(我末看過的)看光，觀眾才是「大白鯊」。唯一減輕这種暴食症反而是tvb atv這種少台(頻道)定時播出的規則(觀眾被動push)。

就撇開VCD、视頻不論(觀眾主動選擇pull)，免費電視台(如NOW)的輸出是「假的抑制」(push)By「重覆播映」，例如NOW新聞節目。如前述，收費電視台還可，免費電視台如城市，開設十二個頻道，假如不「重覆播映」，如何維持？但「重覆播映」是灌水，觀眾把起火上嚟，十二個頻道都不看，就大件事。

更大件事的是，TVB一台播映(英文台另計) ，是toward大眾市場的概念。而「城市」的十二個頻道，似是分眾市場的概念(假定台台都似google分項目咁掂，而拳頭節目劇集又打低TVB)，但王老板卻以大眾市場呢盤數來論收益---兩三年後佔奪(TVB)廣告收入的三成，云云。有冇咁大隻合乸隨街跳先？正確具體嚟講，係「城市」節目(what ever頻道) 能否在黃金時間(let say 2 hours) 達到12-15點收視---假定廣告費收到TVB咁貴。

「城市」節目除了節目本身同諸台比併外，最大障碍是收視習慣。另外一個障碍少人講，就是Modem和大氣電波之戰，如何叫順嫂觀眾使用Modem，似乎也是一個問題。(but，前面講過，modem type 是另一種adventage)

(8)

>>透露會開設大約十二個頻道，聽到令人(我)打冷震<<

回頭說十二個頻道的問題，假如是收費電視，問題還不大，因為你看多少個頻道，有最低收費之設。頻道多，有招琜之效(但好像NOW那麽散亂亦不妥) 。而免費電視則是「人次on廣告」形式，多頻道，用科網的術語來說，可能「不能聚人氣」。我們玩開Discuz! 的就知道，Dz多了個Uchome，就影嚮forum，Uchome後來於是瓜得(x版的home是另一種型態，且可選擇) 。尤如麥當勞賣埋炸雞，都好艱難。yahoo就瓜緊---拳頭產品又失靈，似乎只有google同百度掂(以搜索站計) 。王老板的十二個頻道模式，除非學google咁，拳頭產品同衛星產品都掂，不然成為分散的灌水台。

收費電視的十二個頻道，撇開硬體資源不論(這一點我不熟) ，淨節目的充場(不論是自製或外購) ，都攞你命。記得以前做電視時，什麽一線兩线三线，管理層啷啷上口，就是指播出時間。更早的1972年，我任港台電視部攝影小工，略見內部斗爭。Rhktv當時每周只出產幾十分鍾節目，港台母部廣播部當時很不妥電視部(想趕此部門去政府新聞處)，不周時有條廣播部老坑(後來才知道他是台長周乃陽，僅under鬼佬處長何侃) 走入嚟電視部和舊部鄭鏡彬(由廣播部轉入電視部做阿頭SPS)搭訕調侃笑駡：我仲記得他不時調侃一句：「仲要出五分鐘嘢？顧住連潺都出埋噃！」當時隐約feel到，電視出嘢(播出) 不是那么簡單的事。之前幹片場，也知道每一天最快只能拍出兩至三分鐘footage(screen time) ，電視唔使咁，但政府電视部，出名出貨少。

(7)

我想指出的是，一間電視台，部門之多，管理之複雜，非外人所能明白。小弟拍電影(1992)，可一人由拉資金(老板唔識的) ， 到拉導演到casting，到自己寫埋劇本，到组織工作班子，到賣到片花(150萬，唔係開唔到戲) ，到監拍(控製預算) ，到上畫宣傳，事後賣埠，一腳踢，公司只雇用一4千元/月助理，搞掂。

電視台唔得，我打個比如，拍電影(獨立製片) 尤如砌一架模型車，開設電視台尤如開設一間汽車製造廠。王老板目前挖到一批TVB「汽車設計員」(編劇)和「生產線經理」(EP) ，及材料(藝員) 。但一間電視台(建設+製作+銷售) 係咪只靠此幾瓣？(王老板背後肯定有大把planning，我依書直說) 。

更莫說荼垢(電視文化及公司文化)這個因素了。TVB荼垢肯定是仆街的(從電視文化角度) ，但它年賺幾億是個事實。王老板的「城市」現在似乎連茶杯也沒有，高價買回來的TVB人，兼TVB舊荼垢，是否能造出一打得的茶杯？有待驗証。如前述，准南枳逾淮北may be即成橘，歷史迭有宿命。

(6)

當年RTV總監(級)之上有副總经理，之上有MD(黄鍚照) 。蕭氏當年只不過是一台製作部下的策劃部經理，even連對手編劇部經理梁x人都炒唔郁(舉例，我不知蕭有冇想郁梁，只知麥想郁梁而不果)---梁手下有一大批編劇，黄鍚照連阿麥都唔俾郁梁。

RTV製作部(之前是梁偉民做總監，以前是張正甫，俱無權)最大鑊者，係可以用技術部(好龐大的多個部門) 但管唔到此技術部(某副總管，RTV老臣子，老黄都忌佢三分) 。記得我係1976年時，仲係RTV散工編劇(掛個visitor牌可以橫行全公司個種) ，忽聞阿麥(時為高級編導，月薪五千元，高過king派三SP的3500元)與收音阿頭有磨擦，此收音阿頭就係副總的馬，阿麥要擺和頭酒。阿麥吹雞，小弟蒙查查被call入列做(人頭)倍客，共十多人，去九龍城飲餐廂房午荼個種。

事隔多年，細節已忘。但有一訝異處，召集者及做公關者竟是當時RTV的一個靚女receptionst(事後才知是某人條女) 。第二個訝異是，我為什麽會是阿麥幫？我初入RTV時是阿King幫的---替天哥寫第一個劇集(20x1/2hrs) 《龍蹯虎踞》(除小明演) 。為的是，大概我後來成為劉x豪(新PD)的專用編劇之故吧。當時蕭氏冇份當倍客，可能他當時仲係新聞部職員之故。他是由何掌邦從TVB帶過來RTV的。

(5)

再談王老板用六億銀憾低無線個盤數

王老板在訪談中，透露會開設大約十二個頻道，聽到令人(我)打冷震，王老板似乎唔知負荷之重 ，不知秦漢之極。相等於王老板似乎專專注於製作部的劇集部份一樣，唔知道一間電視台有好多部份，尤其是programme dept(節目部) 。

1974年鄙人未入電視行前，替王敬曦(已故) 的大大月刊專訪名人，訪到當時冒升的TVB周梁。周梁當時暗中批評阿King派：「我地本來做programme的，話D production唔掂。好叻，到而家由我地做production叻…」。當時我地幾個訪問者無知至極，聽得一頭霧水。幾年後才了解到，當時TVB自蔡和平離去後，King派權傾滿朝(製作部經理)，周梁派好快追上來(轉製作部經理後升GM)，一年後(1975)就將King派掃地出門。後來我才知道programme dept.的重要。

蕭氏認屎認屁，話當年管埋programme。RTV當年唔係由麥簫玩哂，查麥氏皇朝(1977-1981) 至始都是一台製作總監，RTV仲有第二台(英文台) 。据記憶，一台製作部管不到新聞部(副總級) ；管不到節目部；甚至連綜合組(屠用雄) ，一般節目组(如兒童節目) 都好少理。而家聽簫氏吹，有幾何聽佢吹過其他非戲劇性節目？佢的講法，一個台好似只靠劇集維持咁，一個台好似只播兩三小時節目咁，今天的王老板又好似咁講法，斃！

(4)

本帖最後由 舊電影人 於 2013-10-18 19:04 編輯 五香墾丁 當時RTV D節目真係好掂(我自己就是其中的一個編劇) ，但唔等於TVB節目唔掂。唔好天真，兩間電視台節目的touth不同，擁躉(即慣常性觀眾)亦不同--這方面我以前分析過(TVB壟斷了口味) ，玆不贅。但生意上(收視) ，TVB一跌過70%，就叫輸。「輪流轉」被腰斬與其說是被打低(甘先生D嘢一向不順嫂化) ，不如說是TVB大反擊，迅速去返順嫂路線，迅速佔返優勢，優皮甘國亮派係咁先。 舊電影人 發表於 2011-10-8 01:17 其實真的悲哀. 當年的觀眾好幸福, 一個台有好節目, 另一個台也有, 多到看不盡, 兩台鬥的, 主要是節目質素, 最可惜當年仍未出現錄影機. 到現在, 就只有重覆又重覆的一套模式悶死觀眾. TVB 最近這二十多年面對對手的策略, 照我觀察所得, 如下: 對手 (ATV) 收視點              高層反應______________ 2點或以下                        見記者時四萬咁口 5點左右                           覺得 "正常", 無反應 10點左右                         開始 "騰雞", 見記者時板晒面口 20點或以上                      已經發晒癲, 瘋狂地抄襲對手節目或不斷複製以往煞食節目,                                       務求 "質" 飽觀眾為止, 直到對手輸突, 才打回原形, 繼續悶死觀眾. 這樣的電視台生態, 單靠那王x基, 可以改變到什麼?