2011-3-27
從消氏集團發出的訊息看，《3D肉ｘ團》未上畫，就已取得了成功。我去年8月初評《肉》片，大頭蝦，只從工業角度以production論production。對比自己從影經驗，質疑《肉》片的商業可行性。從產品角度，探討消氏本人以外行程度賣弄內行---專指導演這一瓣。當時懶叻，仲set咗個論述前提：

「Case study："對--行內人老細扮導演外行地製作三級片企圖用3D達致成功---both叫好及叫座---的觀察"」

當時在香討口沬橫飛，寫咗一大輪，忽然諗起可能阻人揾米，即stop。過咗個幾月，經不起本版的呼喚，將舊貼移來此版發表。後知後覺的我，當時敲下google，才知《肉》片和股票集資有關，且和英x有關，那就不宜再說三道四了。

當時本人以舊影痴心態唔抵得有人扮導演& etc.，認屎認屁。但後來成彈嘢原來係為咗集資(又賣座當然最好) ，認屎認屁先至係主要effort，咁你舊電影人猛彈人認屎認屁，豈不是傻佬一名？

(1)

現今資又集咗億幾，埠又賣咗七成(據稱)，試映又得到好評，又唔關英x事，可以再嗲下了。

平情而論，消氏多年翻手為雲覆手為雨的温食招，以這一次《3D肉ｘ團》project最為成功。套片就算屎到痺，而家仲開緊紅盤，針對大陸佬是對的。電影係先講入場慾，再講口碑。之前叫宣傳，宣傳for集資&入場慾，人網孭重飛。如果套片屎到痺，都可以先殺第一周票房。以消氏集團的吹水作風，都可以話大勝！

《3D肉ｘ團》project收割成果分四方面：集資(雖然不是good水) 、賣埠(號稱賣了七成)、本地票房、名氣(有利於玩下一鑊) 。

(2)

似乎要先了解消氏的特性，才能分析到《肉》片project的始末。

消氏：絕頂聰明(對比普通人) 、有才(主要是咀頭) 、任性好炫耀(多諗頭，事功，多搞作) ，少道德包袱(原則性薄弱，面皮厚、沙沙滾，思維上有痞氣、囗輕輕但似層層=大話精) 。

跟行內人chit chat過，一個人具有這些特性，加上面皮厚，可以說是無所不能行的(但非天下無敵) 。但斃咗一下就俾人睇穿，消氏的這種表現好浮淺。所以，往好的一面說，蕭氏唔係奸，而係率徃，即係我時常說的聰明傻佬。

事旦一個正常人，都唔會拎《肉》片去申請電影發展基金的，理由仲話係創意工業。逢係一個正常人都唔會話(公開講個隻)：「我個劇本好正…」(老細不用sell橋的)，「我個笑話好好笑…」(即講，無人笑)，「我發明復仇橋」(TVB狂潮)，「我發明傳奇片的」，「我發明六大編劇技巧…」(不如話發明空氣)、「我之前係無完整劇本的…」(一個大概未寫過完整劇本的人之言)，「等我教大家拍古装片…」(一個未經歴過片塲的人之言)…。

係，這個人係靠認屎認屁/沙沙滾食糊，但恐佈的地方是，此君好像極相信自己說的話，咁就唔係沙沙滾咁簡單。由是，人網成班擦鞋仔被迫成為韋小寶。上周講拍「功夫BB」，此君笑到碌地，韋小寶們不敢提「點叫一個baby演員打功夫呀？」，齊齊反智。有條友勇敢，稍提「不如拍卡通片…？」，都被窒住。消氏往往帶動出這些醜陋塲面。(我懐疑阿陶睇穿咗其傻佬本質，消氏才記恨)

(3)

事情吊詭在這個地方：有人認為其人沙沙滾/口輕輕/不實際，他自已認為自己是英明神武，那麼，客觀的事實又是什麼？沙沙滾乎？英明神武？我狹窄一Ｄ，之前只在拍攝《肉》片的技術層面上(作品、產品)，質疑係唔係沙沙滾？

以實際效果論：(1)是影片的作品、產品、商品三項價值。(2)集資的價值。

前一項無人知，是大龍鳳否？是沙沙滾否？上畫後就知。前一項造就第二項。資金之能被collect，係買個預期：「消氏父子在香港用3D拍咸片賺硬5千萬，用中國+3D+數碼+娛樂，仲更加掂！」。供股書則說：「將用作3D影片製作業務及在香港或中國收購影院…」，內行人講，都幾沙沙滾，抵死之處在於「或」字，可能即係話唔係…。

(4)

內行人講，個「劇本」都算係咁，好過「變靚D」話去投資礦業，去邊處揾個礦坑俾人睇？而老消可能拍片有人信(行內人除外) ，供股書比消氏集團更離譜的，比比皆是。

稍有見識的人，都知消氏在股海的翻雲覆雨手段(據說好多小噩都係咁) 。稍讀股經，都知8078由英x處接手始(07/10)，去年集資過三次，最後一次集資1.1億，但失敗(12/10)。斯時股價約為0.4元。

至過年前(02/01)，折讓95%一供七，供股價0.015元，用貶低公仔紙去搶現金，都算賤(both指股價及人)。8078現股價為0.12元，比去年跌去近330%。然則，《3D肉ｘ團》不是說賺硬5千萬麼？為什麼未反映在股票上？討論區話，8078做梗仙股。和毓民口中的「又賺億幾銀」，相映成趣！

(5)

和大家說說5千萬的概念，中國3D 數碼娛樂前身英x年拍多部影片及製作，都年蝕幾千萬。中國3D 數碼2010下半年仲蝕2330萬，唔知算係Y氏蝕抑或消氏蝕？電影名導杜琪峯有間上市公司，亦係蝕本收場。

一部影片賺5千萬，票房要收幾多？全球計，以30%-35%分票房計(非毛利)，減製作費2500萬，減其他成本(不計人網義工抬雷凱欣)，大概要收2.7-3億港元至得---指全球上映票房。假如賣埠，條數另計。

賣埠分預賣(即賣片花，賣斷或上映分紅)及上映後賣，影片班底本身無歴績(即卡士或幕後人業績)，賣埠不會高，咪當海外片商傻嘅，係人網迷，聞全球第一部3D色情片就會俾錢你。

假如香港上映後才賣，就有風險，如果係大公司，就可以博，因為一Set賣。

(6)

《肉》似是用預賣方法，早前聽到消仔話《肉》賣咗七成(賺5千萬的根據)，但令人到搲哂頭，第一，無人會公開爆賣埠成績的。此外，乜嘢叫七成？消仔露咗底，應該係賣咗幾多個埠？前提係3D咸片會有幾多個埠先？正確嚟講，係賣咗邊幾個埠？

講開，陶傑早前話《肉》片係主打日本埠，亦是外行人思維。難道日本禁拍3D咸片？難道日本要外銷轉內銷？好比，香港人會搶看鬼佬拍的有港星參與的功夫片？日本仔會fancy玉蒲團touch片？咪傻啦，去查下，港人拍過好多部玉蒲團咸片(有一部全港收三千多元票房)，這款片己被拍爛。

係海外賣片會上受人注意，未必會賣到好價錢，海報就夠殺？有一點我好好奇，點放3D效果俾人睇？Ｄ片商點知全套影片係3D？所謂片花，唔會係俾哂錢先，行規係最後交片才收足。片主往往死係呢個環節，有不良片商往往用小小預付金封你賣盤，之後好多符fit。所以海外賣買片呢個渠道要講在行，當年《狐蝠》(Bang Bang)係個例子，鬼佬市場唔輕易買港產片的。陳可辛個種國際華語片，投資過億，卡士先行，主打大陸日本韓國東南亞。

消仔話《肉》片賣咗七成埠，恭喜佢囉！不過先幾集風也簫簫，簫氏話開試映會俾片商睇，賣咗七成埠，仲試乜再sell？更況且，消氏話有D效果仲未搞掂，嚇死人，是否如人網homerkey咁「永遠在搞緊」中？(注：homerkey已搞掂，這是比喻)

Any how，外人不知佢他搞乜鬼？總之，中國3D數碼娛樂年底公佈業績時，是賺是蝕，就知道。然而出口術也不可赤裸裸地淪為大話x的。

(7)

kpwu2000

好濃烈的酸味！看過樓主之前寫《肉》片的文章，也大概了解樓主的背景！一件事有多個角度去看，總是一件好事！我承認《肉》片的走勢比我想像的更加好，加上CNN的吹捧，鬼佬價值主導的奧斯卡，真的不排除《肉》片會得個豬肉獎！“更況且，簫氏話有D效果仲未搞掂，嚇死人，是否如人網homerkey咁「永遠在搞緊」中？”樓主又不要這麼杞人憂天，《肉》片不能如期搞好的話，他會死無葬之地！希望樓主保持身心健康！

kcso 《3D肉ｘ團》未上畫，就已取得了成功，可以唔使上影收工去慶功，正！

寺山壽司

其實前輩唔駛介懷. 戲, 我地都未睇過, 由開始到依家, 呢度評論既內容, 大多數係關於佢周邊一眾 "怪誕" 事件既分析, 而前輩過往既分析, 亦相當有水準.

通常, 如果一套電影真係 "正野", 實際上, 係唔會出甘多 "出位" 花招來造勢的, 例如 "阿凡達", 阿倫伯有冇學莊主甘, 講乜野 "畢生功力注入" 之類廢話?

所以, 由對面拍 3D 以來既一眾事例來推論, 莊主呢套 3D 既質素, 可能有問題, 呢個亦係好合理既預測黎. 當然, 預測亦可以錯的.